ಸಂವಿಧಾನ ಒರಿಪೆರೆ ಮೋದಿನ್ ಕೆರ್ಲೆ ಪಂಡಿನ ಕಾಂಗ್ರೆಸ್ ರಾಜಕಾರಣಿ ಅರೆಸ್ಟ್

Last updated on December 14th, 2022 at 11:14 am

ಮಧ್ಯ ಪ್ರದೇಶ: ಕಾಂಗ್ರೆಸ್ ನಾಯಕೆ, ಮಧ್ಯ ಪ್ರದೇಶ ಸರ್ಕಾರೊದ ದುಂಬುದ ಮಂತ್ರಿ ರಾಜಾ ಪಟೇರಿಯಾ ಪನ್ಪಿನಾರೆನ್ ಅಂಗಾರೆದಾನಿ ಪ್ರಧಾನಮಂತ್ರಿ ನರೇಂದ್ರ ಮೋದಿಯೆರೆಗ್ ನೆರ್ತಿನ ಇಸಯೊಡು ಪೋಲೀಸೆರ್ ಅರೆಸ್ಟ್ ಮಲ್ದೆರ್.

ಮಧ್ಯ ಪ್ರದೇಶ ರಾಜ್ಯ ಕಾಂಗ್ರೆಸ್‌ದ ಒತ್ತು ಗುರ್ಕಾರೆ ಆದುಪ್ಪುನ ರಾಜಾ ಪಟೇರಿಯಾ ಸೋಮಾರದಾನಿ ಪಂಡಿನ “ಸಂವಿಧಾನೊನು ಒರಿತೊನರ ಮೋದಿನ್ ಕೆರೊಡು” ಪನ್ಪಿ ಪಾತೆರ ಬಾರಿ ವೈರಲ್ಆದಿತ್ತ್ಂಡ್. ಆಂಡ ಇತ್ತೆ ಈ ಜನ, ಯಾನ್ ಎಲೆಕ್ಷನ್‌ಡ್ ಸೋಪಾವುನ ಅರ್ಥೊಡು ಪನ್ತಿನ ಪಂದ್ ಪನೊಂದುಲ್ಲೆರ್.

ಪೋಲೀಸೆರ್ ಇಂಡಿಯನ್ ಪೆನಲ್ ಕೋಡ್‌ದ ಬೇತೆ ಬೇತೆ ಸೆಕ್ಷನ್‌ಲೆನ ಪ್ರಕಾರ ಎಫ್ಐಆರ್ ಪಾಡ್ದ್ ಅರೆಸ್ಟ್ ಮಲ್ತ್‌ದ್ ನ್ಯಾಯಂತಡೆದ ಎದ್‌ರ್ ಕನತ್‌ದೆರ್. ನ್ಯಾಯಂತಡೆ ಮೆರೆಗ್ 14 ದಿನೊತ ನ್ಯಾಯಾಂಗ ಬಂಧನೊದ ಆದೇಶ ಕೊರ್ತುಂಡು.