ಚಿಕ್ಕಮಗಳೂರುಡು ಬರ್ಪಿ ಚುನಾವಣೆ ಬಹಿಷ್ಕಾರದ ಪೊರ್ಂಬು

Last updated on December 20th, 2022 at 07:47 am

ಚಿಕ್ಕಮಗಳೂರು ಜಿಲ್ಲೆಡ್ ಬರ್ಪಿ ವಿಧಾನಸಭಾ ಚುನಾವಣೆ ಬಹಿಷ್ಕಾರ ಮಲ್ಪುನ ಪಾತೆರ ಕೇನ್ದ್ ಬರೊಂದುಂಡು. ಚಿಕ್ಕಮಗಳೂರು ಜಿಲ್ಲೆದ ಕೊಪ್ಪ ತಾಲೂಕುದ ಹಾಡುಗಾರು ಗ್ರಾಮೊಡು ಗ್ರಾಮಸ್ಥೆರ್ ಚುನಾವಣಾ ಬಹಿಷ್ಕಾರ ಮಲ್ಪುನ ಎಚ್ಚರಿಕೆ ಕೊರ್ತೆರ್. ಮೂಲಸೌಕರ್ಯ ಅಭಿವೃದ್ದಿ ಉಪ್ಪಂದಿನೆಕ್ಕ್ ರಾಜಕೀಯ ಪಕ್ಷದ ಜವಾಬ್ದಾರಿರ್ದ್ ಲಾ ಗ್ರಾಮಸ್ಥೆರ್ ರಾಜೀನಾಮೆ ಕೊರ್ದಿತ್ತೆರ್. ರಾಜೀನಾಮೆ ಕೊರಂಡಲ ಪರಿಹಾರ ತಿಕ್ಕಂದೆ ಜನಕುಲು ಚುನಾವಣೆನೇ ಬಹಿಷ್ಕಾರ ಮಲ್ಪರೆ ತೂವೊಂದುಲ್ಲೆರ್.

ಗಿರಾಮೊನು ಸಂಪರ್ಕ ಮಲ್ಪುನ ರೋಡು ಮಲ್ತ್ ಕೊರ್ಲೆ ಪನ್ಪಿ ಮನವಿ ಇತ್ತ್ಂಡ್. ಆಂಡ ರೊಡು ನನಲ ಆತಿಜಿ. ಅಂಚಾದ್ ಚುನಾವಣಾ ಬರಿಷ್ಕಾರದ ಬ್ಯಾನರ್ ಪತೊಂದು ಗ್ರಾಮಸ್ಥೆರ್ ಮೆರವಣಿಗೆ ಮಲ್ತೆರ್. ರೋಡು, ಸಂಕ ಆವೊಡು ಪನ್ದ್ ಮುಲ್ಪದ ಗ್ರಾಮಸ್ಥೆರ್ ಬಿಜೆಪಿ, ಕಾಂಗ್ರೇಸ್ ದ ಬೂತ್ ಸಮಿತಿಗ್ ರಾಜೀನಾಮೆ ಕೊರ್ದಿತ್ತೆರ್.