Last updated on December 2nd, 2022 at 09:56 am
ಪಾಕಿಸ್ತಾನೊದ ಎದ್‌ರ್‌ದ ಗೊಬ್ಬುಡು ಒಂಜೇ ದಿನೊಟು 500 ರನ್ ಒಟ್ಟು ಮಲ್ತಿನ ಇಂಗ್ಲೆಂಡ್ 112ವರ್ಸೊದ ದಾಖಲೆ ಒಂಜೆನ್ ಆಕ್‌ದ್ಂಡ್.
ಪಾಕಿಸ್ತಾನೊದ ಎದ್‌ರ್‌ದ ಟೆಸ್ಟ್ ಸರಣಿದ ಕಡೀರ ಗೊಬ್ಬುದ ಕಡೀರ ದಿನೊನೇ ಇಂಗ್ಲೆಂಡ್ 506 ರನ್ ಮಲ್ತ್‌ದ್ ಪೊಸ ರನ್ ದಾಖಲೆ ಮಲ್ದ್ಂಡ್.
ಕಡೀರ ದಿನೊಟು ಒವ್ವೇ ಕೂಟ ಈತ್ ರನ್ ಒಟ್ಟು ಮಲ್ದಿನ ಪರತಿರಿಡೇ ಇಜ್ಜಿ. 1910ಟ್ ದಕ್ಷಿಣ ಆಫ್ರಿಕಾದ ಎದ್‌ರ್ ಆಸ್ಟ್ರೇಲಿಯಾ ಒಂಜೇ ದಿನೊಟು 494 ರನ್ ಮಲ್ದಿನ ಇದಮುಟ್ಟದ ದಾಖಲೆ ಆದಿತ್ತ್ಂಡ್.
ಪಾಕಿಸ್ತಾನೊದ ರಾವಲ್ಪಿಂಡಿ ಮೈದಾನೊಡು ಗುರುವಾರ ಸುರು ಆತಿನ ಕಡೀರ ಟೆಸ್ಟ್‌ಡ್ ಬಾರಿ ಎಡ್ಡೆಡ್ ಗೊಬ್ಬೊಂದುಪ್ಪುನ ಇಂಗ್ಲೀಷ್ ಆಲ್‌ಲ್ 4 ಶತಕ ಆಕ್‌ದೆರ್. ಕಡೀರ ದಿನೊತ ಅಕೇರಿಡ್ 4 ವಿಕೆಟ್ ಕೊರ್ದು 506 ರನ್ ಮಲ್ದೆರ್. ಬೇಗ ಬಯ್ಯ ಆಯಿನೆರ್ದಾವರ ಕುಡಲಾ 15 ಓವರ್ ಇಪ್ಪುನಗನೇ ಗೊಬ್ಬುನು ಉಂತಾವೊಡಾದ್ ಬತ್ತ್ಂಡ್.
ಇಂಗ್ಲೆಂಡ್‌ದ ಪರವಾದ್ ಜ಼ಾಕ್ ಕ್ರೌಲೀ(122), ಬೆನ್ ಡಕೆಟ್(107), ಓಲಿ ಪೋಪ್(108) ಅಂಚೆನೇ ಹ್ಯಾರಿ ಬ್ರೂಕ್(101*) ಶತಕದ ಗೊಬ್ಬು ಗೊಬ್ಬಿಯೆರ್.