ಪಡುಬಿದ್ರಿದ ಶಾಲೆಡ್ ದೈವಾರಾಧನೆಗ್ ಅಪಮಾನ! ಘಟ್ಟದಕುಲು ಮಲ್ತ್ಂಡ ತಪ್ಪು, ಊರುದಕುಲು ಮಲ್ತ್ಂಡ ಓಕೆ?

Last updated on December 28th, 2022 at 06:36 pm

ಪಡುಬಿದ್ರಿದ ಸಾಗರ್ ವಿದ್ಯಾಮಂದಿರೊದ ಮಿತ್ತ ಚಾವಡಿಡ್ ವಾ ಪೊರ್ಲುಯ ಪನ್ಪಿ ಪದೊಕು ಪೊಂಜೊವು ಒರ್ತಿ ದೈವೊನು ಅನುಕರಣೆ ಮಲ್ತ್ ನಲ್ತಿನ ವೀಡಿಯೋ ಸಾಮಾಜಿಕ ಜಾಲತಾಣೊಡು ಬಲ್ತೊಂದುಂಡು.

ಪೊಂಜೊವುನ ನಲ್ಕೆಗ್ ಅಲ್ಪ ಕುಲ್ದಿತ್ತಿನಕುಲು ತಾಟಿ ಬೊಟುದು ಪ್ರೋತ್ಸಾಹ ಮಲ್ತಿನಲ ತೋಜುಂಡು. ಕೆಲವೆರ್ ವೀಡಿಯೋ ಮಲ್ತೊಂದುಲಾ ಇತ್ತೆರ್.

ತುಳುನಾಡ್ ದ ನಡು ಬಾಗೊಡು ಉಪ್ಪುನ ಪಡುಬಿದ್ರಿಡ್ ಇಂಚಿನ ನಡಕೆ ನಡತಿನವು ಬಾರೀ ಬೆಸರ್ ದ ಸಂಗತಿ. ವಿದ್ಯಾಸಂಸ್ಥೆ ಆವಡ್ ಅಲ್ಪ ಕುಲೊಂದು ತೆಲ್ತೊಂದಿತ್ತಿನ ತುಳುವೆರ್ ಆವಡ್ ಉಂದೆನ್ ತಡೆತೊಲಿ. ದೈವೊಲು ನಿಲೆ ಆಯಿನ ಪಡ್ಡಾಯಿಬಿತ್ತಿಲ್, ಕಲ್ಲಟ್ಟೆ, ಬೆರ್ಮಸ್ಥಾನ, ಸಂತೆಕಟ್ಟೆದ ನಡೆಟ್ ಉಪ್ಪುನ ಜಾಗೊಡು ದೈವೊಲೆಗ್ ಇಂಚಿನ ಅವಮಾನ ಆನಗಲ ತುಳುವೆರ್ ಮನಿಪಂದೆ ಕುಲ್ಲುದೆರ್ ಪಂಡ ನನ ದಾಲ ಪನ್ಪಿಲೆಕ್ಕ ಇಜ್ಜಿ.