ಬೊಲ್ತೇರ್ : ಕಂಡಿನ ಬೈಕ್ ಡ್ ಪೊಣ್ಣನೊಟ್ಟುಗು ಜಾಲಿ ರೈಡ್

Last updated on December 19th, 2022 at 06:03 pm

ಧರ್ಮಸ್ಥಳತ ಖಾಸಾಗಿ ಬಸ್ ಸ್ಟಾಂಡ್ ದಲ್ಪ ದೀತಿನ ವಿದ್ಯಾರ್ಥಿ ಒರಿಯನ ಬೈಕ್ ಕಂಡ್ ದ್ ಪೇತಿನ ಘಟನೆ ಡಿಸೆಂಬರ್ 16 ಕ್ಕ್ ನಡತ್ಂಡ್.

ಬೆದ್ರದ ಕಾಲೇಜೊಂಜೆತ್ತ ವಿದ್ಯಾರ್ಥಿ ಶಿಶಿಲ ಗ್ರಾಮದ ಜೀವನ್ ಮೇರ್ ತನ್ನ ಸಂಬಂದದಕಲೆನ ಇಲ್ಲ್ ಧರ್ಮಸ್ಥಳೊರ್ದು ಕಾಲೇಜಿಗ್ ಪೋವೊಂದಿತ್ತೆರ್. ಮದ್ಯಾಹ್ನ ಕಾಲೇಜಿ ಮುಗಿತ್ ದ್ ಬೈಕ್ ಉಂತಾದಿನಲ್ಪ ಬನ್ನಗ ಬೈಕ್ ಮಾಯ ಆದಿತ್ತ್ಂಡ್. 

ಈ ಬೈಕ್ ನ್ ಕಂಡ್ ದ್ ಒರಿ ಆನ್ ಬೊಕ್ಕ ಪೊಣ್ಣು ಪೋಪಿನ ದೃಶ್ಯ ಸಿಸಿಟಿವಿಡ್ ತಿಕ್ಕ್ಂಡ್. ಇತ್ತೆ ಉಂದು ಬಾರೀ ವೈರಲ್ ಆತ್ಂಡ್. ಈ ಪ್ರಕರಣದ ಬಗೆಟ್ ಧರ್ಮಸ್ಥಳ ಪೋಲೀಸ್ ಸ್ಟೇಷನ್ಡ್ ಒಯಿಲ್ ಕೊರ್ತೆರ್.