ಎಲ್ಲೆ ಟಾಕೀಸ್ಲೆಡ್ ಕಾಂತಾರ ತುಳು, ಬೀಸೊಡು ದಿಂಜೊಂದಿಪ್ಪುನ ಸೀಟುಲು!

Last updated on December 1st, 2022 at 08:19 am

ತುಳುವೆರೆಗ್ ತುಳು ಬಾಸೆಡೇ ಡಬ್ ಮಲ್ತ್ ಪಿಚ್ಚರ್ ಬುಡೊಡು ಪನ್ಪಿನ ಪೊರ್ಮ್ಬುಗು ಒತ್ತೊನಿನ ಹೊಂಬಾಳೆ ಫಿಲಂಸ್ ಕಾಂತಾರ ಪಿಚ್ಚರ್ನ್ ತುಳು ಬಾಸೆಡ್ ಡಬ್ ಮಲ್ತ್ ಬುಡುಗಡೆ ಮಲ್ಪರೆ ಪಿದಡ್ದ್ಂಡ್.

ಎಲ್ಲೆ(ಡಿಸೆಂಬರ್ 2)ಕ್ಕ್ ತುಳುನಾಡೊರ್ಮೆ ತುಳು ಬಾಸೆಡ್ ಕಾಂತಾರ ಪಿಚ್ಚರ್ ಬುಡುಗಡೆ ಆಪುಂಡು. ಪಡುಬಿದ್ರೆದ ಭಾರತ್ ಸಿನಿಮಾಸ್, ಸುರತ್ಕಲ್ ಸಿನಿ ಗ್ಯಾಲಕ್ಸಿ, ಕುಡ್ಲದ ಭಾರತ್ ಸಿನಿಮಾಸ್, ಸುಚಿತ್ರ, ಕಾರ್ಲದ ಪ್ಲಾನೆಟ್, ಬೆದ್ರದ ಅಮರಶ್ರೀ ಕಾಸ್ರೋಡುದ ಮ್ಯಾಜಿಕ್ ಫೇಮ್ಸ್ ಮೆಹಬೂಬ ಚಿತ್ರಮಂದಿರೊಲೆಡ್ ಕಾಂತಾರ ತುಳುತ ಪ್ರಿಬುಕಿಂಗ್ ಸುರು ಆತ್ಂಡ್. ಅಂಚೆನೆ ಬೆಂಗಳೂರುಡುಲಾ ತುಳುಟು ಗೋಪಾಲನ್ ಸಿನಿಮಾಸ್ ಬನ್ನೇರುಘಟ್ಟ ರೋಡ್, ಗೋಪಾಲನ್ ಸಿನಿಮಾಸ್ ಮೈಸೂರು ರೋಡ್ ಬೊಕ್ಕ ಜಯನಗರದ ಗರುಡ ಸ್ವಾಗತ್ ಮಾಲ್ ಡ್ ಬುಡುಗಡೆ ಆಪುಂಡು.

ಕಾಂತಾರ ಪಿಚ್ಚರ್ನ್ ಇತ್ತೆ ಅಮೆಜಾನ್ ಪ್ರೈಮ್ ಡ್ ಬುಡ್ದ್ ಆತ್ಂಡ್, ತುಳುಟು ಬರೊರ್ದು ದುಂಬೇ ಪ್ರೈಮ್ ಡ್ ಬುಡಿನ ತುಳು ಮಾರ್ಕೆಟ್ ಗ್ ಪೆಟ್ಚ್ ಕೊರಿಲೆಕ್ಕ ಉಂಡು. ತುಳುವೆರ್ ತುಳು ಬಾಸೆಡೇ ತುಳುನಾಡ್ಗ್ ಸಂಬಂದ ಇತ್ತಿನ ಕತೆಕುಲೆನ್ ತೂವೊಡು. ಕಾಂತಾರ ತುಳುಟ ಟ್ರೈಲರ್ನ್ ಪತ್ತ್ ಲಕ್ಷೊರ್ದುಲಾ ದಿಂಜ ಜನ ಯೂಟ್ಯೂಬ್ಡ್ ತೂತೆರ್.