ಇನಿ ಬೆದ್ರಡ್ ಕೋಟಿ ಚೆನ್ನಯ ಜೋಡುಕರೆ ಕಂಬುಲ

Last updated on December 24th, 2022 at 08:19 am

ಕೋಟಿಚೆನ್ನಯ ಜೋಡುಕರೆ ಕಂಬುಲ ಸಮಿತಿರ್ದ್ ಕಡಲಕೆರೆಟ್ ನಡಪುನ 20ನೇ ವರ್ಸದ ಕೋಟಿ ಚೆನ್ನಯ ಜೋಡುಕರೆ ಕಂಬುಲ ಇನಿ(ಡಿಸೆಂಬರ್ 24) ನಡಪರೆಗುಂಡು. ಈ ಕಂಬುಲೊಗು ಮುಖ್ಯಮಂತ್ರಿ ಬೊಮ್ಮಾಯಿ, ಪ್ರವಾಸೋಧ್ಯಮ ಸಚಿವೆರಾಯಿನ ಆನಂದ ಸಿಂಗ್ ಅಂಚೆನೆ ಸುಮಾರ್ ಸಚಿವೆರ್, ಶಾಸಕೆರ್ ಬರ್ರೆಗುಲ್ಲೆರ್ ಪನ್ದ್ ಗುರ್ಕಾರ್ಲಾಯಿನ ಉಮಾನಾಥ ಕೋಟ್ಯಾನ್ ತೆರಿಪಾಯೆರ್.

ಈ ಸಲ ಕಂಬುಲೊಗು ಸುಮಾರ್ 250 ಜತೆ ಎರುಕುಲು ಬರ್ಪಿನ ನಿರೀಕ್ಷೆ ಉಂಡುಗೆ. ಕಾಂಡೆ 8 ಗಂಟೆಗ್ ಸುರುವಾಪುಂಡುಗೆ. ಕಾಂಡೆ 7 ಗಂಟೆಗ್ ಚೌಟೆರ್ನ ಅರಂತಡೆತ ಕುಲದೀಪ್ ಎಂ ಮೆರೆನ ಗುರ್ಕಾರ್ಮೆಡ್ ಉದಿಪನ ನಡಪುಂಡು. ಅವೆರ್ದ್ ಬೊಕ್ಕ ಜಿಲ್ಲಾಧಿಕಾರಿ ರವಿಕುಮಾರ್ ರಾಣಿ ಅಬ್ಬಕ್ಕನ ಒರುಕು ಮಾಲೆ ಪಾಡುವೆರ್. ಬಯ್ಯಗ್ 5 ಗಂಟೆಗ್ ನಡಪುನ ಸಭಾ ಕಾರ್ಯಕ್ರಮೊಡು ಮುಂಬಯಿ ಉದ್ಯಮಿ, ಸಮಾಜಸೇವಕೆ ಕನ್ಯಾನ ಸದಾಶಿವ ಶೆಟ್ಟಿ ಮೆರೆಗ್ ಮಾನಾದಿಗೆ ನಡಪುಂಡು. ಅಂಚೆನೆ ಬಾಡ ಪೂಜಾರಿ ಇರುವೈಲ್ ಮೆರೆಗ್ ಸಂದ್ ಪೋಯಿಬೊಕ್ಕದ ಮಾನಾದಿಗೆ ಸಂದುಂಡು. ಪೆರಿಯ ದೈವ ಪಾತ್ರಿ ಅಣ್ಣು ಶೆಟ್ಟಿ ಲಾಡಿ, ಪೆರಿಯ ಕಂಬುಲ ಕಲೊತ ಬಿರ್ಸೆ ಸಂಜೀವ ಪೂಜಾರಿ ರೆಂಜಾಳ, ಪೆರಿಯ ದೈವ ನಲಿಕೆದಾರ್ ಕಾಳು ಪಾಣಾರ ಕಡಂದಲೆ, ಮರೋಡಿ ಶ್ರೀಧರ್ ಬೊಕ್ಕ ಅರುಣ್ ಭಟ್ ಮೊಕಲೆಗ್ ಮಾನಾದಿಗೆ ನಡಪರೆಗುಂಡು.