Last updated on December 22nd, 2022 at 07:18 pm
ದಾವಣಗೆರೆ: ಪಗೆಲ್‌ದ ಪೊರ್ತುಡು ತನ್ನಾತೆಗೇ ನಡತೊಂದು ಪೋವೊಂದಿತ್ತಿನ ಪೊಣ್ಣನ್ ಉಂತಾದ್, ಮನಸ್‌ಗ್ ಬತ್ತಿಲೆಕ ಬೀಸತ್ತಿ ಕುತ್ತ್‌ದ್ ಕೆರ್ತಿನ ನಡಕೆ ಜಿಲ್ಲೆದ ಬಿ.ಜೆ ಬಡಾವಣೆದ ಚರ್ಚ್‌ದ ಎದುರು ನಡತ್‌ದ್ಂಡ್. ಬೀಸತ್ತಿ ಪಾಡಿನ ಜವನೆ ವಿಷ ಪರ್ದ್ ಆತ್ಮಹತ್ಯೆ ಮಲ್ತೊನರ ತೂದು ಆಸ್ಪತ್ರೆ ಸೇರ್ದೆ.
ವಿನೋಭಾನಗರದ ಚಾಂದ್ ಸುಲ್ತಾನಾ ದಾವಣಗೆರೆ ವಿವಿಡ್ ಎಂ.ಕಾಂ ಪದವಿ ಮುಗಿತ್‌ದ್ ಒರಿ ಟ್ಯಾಕ್ಸ್ ಅಡ್ವೈಸರ್‌ಡ ಸಿ.ಎ. ಕೋಚಿಂಗ್ ದೆತೊನೊಂದಿತ್ತೆರ್. ಉಂದುವೇ ಕಚೇರಿಡ್ ಬೇಲೆ ಮಲ್ತೊಂದಿತ್ತಿನ ಒರಿ ಜವನನೊಟ್ಟು ಮೆರೆನ ನಿಶ್ಚಯಲಾ ಆದಿತ್ತ್ಂಡ್.
ಈ ನಿಶ್ಚಯರ್ದಾವರ ಸುಲ್ತಾನಾನ್ ಮೋಕೆ ಮಲ್ತೊಂದಿತ್ತಿನ ಸಾದತ್ ಅಲಿಯಾಸ್ ಚಾಂದ್ ಫೀರ್‌ನ ಪಿಸ್‌ರ್ ಗೆಜೆಲ್‌ದ್ಂಡ್. ನಿಶ್ಚಯದ ಮನದಾನಿ ತನ್ನಾತೆಗೆ ಬೇಲೆಗ್ ಪೋವೊಂದಿತ್ತಿನ ಸುಲ್ತಾನಾನ್ ಪಾತೆರ್ಯೆರ ಉಂಡು ಪಂದ್ ಉಂತಾದ್, ಬೀಸತ್ತಿ ಪಾಡ್ದ್ ಕೆರ್ತೆ.
ಮಧ್ಯಮ ವರ್ಗೊದ ಕುಟುಮೊಗು ಸೇರ್ದಿನ ಸುಲ್ತಾನಾನ ಇಲ್ಲದಕ್ಲೆಗ್ ಸುಲ್ತಾನಾ ಒರ್ತಿಯೇ ಮಗಲ್. ಮಗಲೆಗ್ ಇಂಚ ಆತಿನ ವಿಷಯ ತೆರಿದ್ ಸಾದತ್‌ನ್ ನಾಡ್‌ನಗನೇ ಸಾದತ್ ವಿಷ ಪರ್ದ್ ಸಿಟಿ ಸೆಂಟ್ರಲ್ ಆಸ್ಪತ್ರೆಡ್ ಅಡ್ಮಿಟ್ ಆತೆ. ಪೋಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.