ಸುರತ್ಕಲ್ : ಬೀಸತ್ತಿ ಪಾಡ್ದ್ ಒರಿಯನ ಹತ್ಯೆ; ಫಾಝಿಲ್ ನ್ ಕೆರಿನ ಬೆರಿಟೇ ಕುಡೊಂಜಿ ಕೃತ್ಯ

Last updated on December 24th, 2022 at 11:13 pm

ಕರಿನ ಕೆಲವು ತಿಂಗೊಲುಡು ಬೆರಿ ಬೆರಿಕ್ ಆವೊಂದಿತ್ತಿನ ಮರ್ಡರ್ ಲು ಒಂತೆ ದಿನ ಚಪ್ಪೆ ಆದ್ ಇತ್ತೆ ಕುಡ ಅಡಿ ಲಕ್ಕಿಲೆಕ್ಕ ತೋಜುಂಡು. ಸುರತ್ಕಲ್ದ ಕಾಟಿಪಳ್ಳ ನೈತಂಗಡಿದ್ ಜವನ ಒರಿಯಗ್ ಬೀಸತ್ತಿ ಬೂರ್ದುಂಡು. ಗಂಭೀರ ಗಾಯ ಆಯಿನ ಜವನನ್ ಆಸ್ಪತ್ರೆಗ್ ಕೊನೊದಿತ್ತೆರ್. ಆಂಡ ಮರ್ದ್ ನಡಪಂದೆ ಆಯೆ ತೀರಿಯೆ ಪನ್ದ್ ತೆರಿದ್ ಬೈದ್ಂಡ್.

ಆ ಜವನನ ಪುದರ್ ಕೃಷ್ಣಾಪುರತ ಜಲೀಲ್ ಪನ್ದ್ ತೆರಿದ್ ಬೈದ್ಂಡ್. ಆಯಗ್ ಬಿಸತಿ ಪಾಡಿನಕುಲು ಜಾಗೊರ್ದು ಬಲ್ದೆರ್. ದಾಯೆಗ್ ಬಿಸತಿ ಪಾಡ್ದ್ ಕೆರಿಯೆರ್ ಪನ್ದ್ ನನಲ ತೆರಿದ್ ಬೈಜಿ.

ಜಾಗೆಗ್ ಮಸ್ತ್ ಪೋಲೀಸೆರ್ ಬತ್ತ್ ಪರಿಸ್ಥಿತಿ ಕೈತತ್ತ್ ಪೋವಂದಿಲೆಕ್ಕ ತೂವೊಂದುಲ್ಲೆರ್. ಪೋಲೀಸೆರ್ ಮಾಯಿತಿ ನಾಡೊಂದುಲ್ಲೆರ್. ಕರಿನ ಸರ್ತಿ ಫಾಝಿಲ್ನ ಮರ್ಡರ್ ಆಯಿಲೆಕ್ಕನೇ ಉಂದುಲಾ ಅಂಗಡಿದ ಎದುರೇ ನಡತ್ಂಡ್.