Last updated on December 2nd, 2022 at 05:40 pm
ಪುತ್ತೂರು: ಮುಲ್ಪದ ವಿಷನ್ ಸಹಾಯನಿಧಿ ಸೇವಾ ಟ್ರಸ್ಟ್‌ದ ನಿರೆಲ್‌ಡ್ ರೋಟರಿ ಕ್ಯಾಂಪ್ಕೋ ಬ್ಲಡ್ ಸೆಂಟರ್ ಪುತ್ತೂರು, ಧನ್ವಂತರಿ ಕ್ಲಿನಿಕಲ್ ಲ್ಯಾಬೊರೇಟರಿ, ಸಕ್ಷಮ ಪುತ್ತೂರು ಘಟಕೊದ ಒಟ್ಟುಸೇರಿಗೆಡ್ ಸ್ವಯಂಪ್ರೇರಿತ ನೆತ್ತೆರ್ ಉಂಬೊಲಿ ಶಿಬಿರ ಬೊಕ್ಕ ನೇತ್ರದಾನ ನೋಂದಣಿ, ಧರ್ಮಾರ್ಥವಾದ್ ಚೀಪೆರೋಗ ಬೊಕ್ಕ ನೆತ್ತೆರೊತ್ತಮೆ ತಪಾಸಣಾ ಶಿಬಿರ ಅಂಚೆನೇ ಊರ ಪರವೂರ ಮಲ್ಲ ಉಡಲ ದಾನಿಲೆನ ಸಹಕಾರೊಡು ಕಿಡ್ನಿ ವೈಫಲ್ಯೊಡು ನರಲೊಂದುಪ್ಪುನ ಅಶಕ್ತೆರೆಗ್ ನಿರಂತರವಾದ್ ಅಟಿಲ್ ಸಾಮಗ್ರಿಲೆನ ಕಿಟ್ ಕೊರ್ಪುನ 18ನೇ ಕಜ್ಜ ‘ಒಳಿತು ಮಾಡು ಮನುಷ’ ಲೇಸ್ ನವೆಂಬರ್ 30ದಾನಿ ಪುತ್ತೂರುದ ‘ರೋಟರಿ ಟ್ರಸ್ಟ್ ಹಾಲ್’ಡ್ ನಡತ್ಂಡ್.
ಲೇಸ್‌ದ ಮಲ್ಲಬಿನ್ನೆರಾದ್ ರೋಯಲ್ ಸೌಹಾರ್ದ ಸಹಕಾರಿ ಸಂಘೊದ ಸ್ಥಾಪಕೆರ್ ದಂಬೆಕ್ಕನ ಸದಾಶಿವ ರೈ, ಕರ್ನಾಟಕ ಸರಕಾರೊದ ಸಮಾಜ ಕಲ್ಯಾಣ ಇಲಾಖೆದ ದುಂಬುದ ಗುರ್ಕಾರ್ದಿ ದಿವ್ಯ ಪ್ರಭಾ ಚಿಲ್ತಾಡ್ಕ, ಪೆರ್ಲಂಪಾಡಿದ ಶ್ರೀ ಹರಿಪ್ರಸಾದ್ ಪಾಲ್‌ಪಡೆಯೆರ್.
ಈ ಪೊರ್ಲ ಕಜ್ಜೊಡು 52,000 ಸಾವಿರ ರೂಪಾಯಿದ 52 ಫುಡ್ ಕಿಟ್ ಪಟ್ಯೆರ್. 40 ಜನೊಕು ಬಿಪಿ, ಶುಗರ್ ತಪಾಸಣೆ ಬೊಕ್ಕ 2 ಜನೊಕು ನೆತ್ತೆರ್ ಉಂಬೊಲಿ ಕೊರ್ಯೆರ್.
ಈ ಪೊರ್ತುಡು ಟ್ರಸ್ಟ್‌ದ ಪದಾಧಿಕಾರಿಲಾಯಿನ ಕಲಾವಿದೆ ಕೃಷ್ಣಪ್ಪ ಶಿವನಗರ, JC ಚೇತನ್ ಕುಮಾರ್ ಪುತ್ತೂರು, ಶ್ರೀಮತಿ ಶೋಭಾ ಮಡಿವಾಳ ಬೊಕ್ಕ ಪದುಕೆರ್ ಒಟ್ಟುಗಿತ್ತೆರ್.
ದೇವೆರೆ ಸುಗಿಪುನು ಶುಭ ಬೊಕ್ಕ ಮಾಲಿನಿ, ಎದುಕೊನುನ ಪಾತೆರೊನು ಶೀಲಾ, ಸೊಲ್ಮೆ ಸಂದೈತೊನು ಮಮತಾ ಮಲ್ತೆರ್. ಕು.ಸೌಜನ್ಯಾ ಅರ್ಲಪದವು ಪೊರ್ಲ ಕಜ್ಜೊದ ಲೇಸ್ ಸುದಾರ್ಮೆ ತೂವೊಂಡೆರ್.
