Last updated on December 16th, 2022 at 04:48 pm
ಬುದಾರದಾನಿ ಹಾಸ್ಟೆಲ್ ದ ಒಂಜಿ ಪೊಣ್ಣನೊಟ್ಟುಗು ಅಸಭ್ಯವಾದ್ ನಡಪರೆ ತೂಯಿನ ಹೆಡ್ ಮಾಸ್ಟರ್ ಅಂಚೆನೆ ಪೊಣ್ಣುಲೆನ ಹಾಸ್ಟೆಲ್ದ ಇನ್ ಚಾರ್ಜ್ ಆಯಿನ ಜನನ್ ಪೊಣ್ಣುಲು ಸೇರ್ದ್ ಕೊದಂಟಿಡ್ ದರ್ತಿನ ಸಂಗತಿ ಮಂಡ್ಯದ ಪಾಂಡವಪುರಟ್ ನಡತ್ಂಡ್.
47 ವರ್ಸದ ಚಿನ್ಮಯ ಮೂರ್ತಿ ಪನ್ಪಿ ಪ್ರಿನ್ಸಿಪಾಲ್ ನ್ ಅರೆಸ್ಟ್ ಮಲ್ತ್ ಪೋಸ್ಕೋ ಕಾಯಿದೆಡ್ ಪ್ರಕರಣ ಪಾಡಿಯೆರ್ ಅಂಚೆನೆ ಬೇಲೆರ್ದ್ ಸಸ್ಪೆಂಡ್ ಮಲ್ತೆರ್ ಪನ್ದ್ ತೆರಿದ್ ಬೈದ್ಂಡ್.
ಹಾಸ್ಟೆಲ್ದ ಪೊಣ್ಣುಜೋಕುಲೆನ ಪ್ರಕಾರ ಈ ಜನ ಪೊಣ್ಣುಲೆಗ್ ಲೈಂಗಿಕ ಕಿರುಕುಳ ಕೊರೊಂದಿತ್ತ್ಂಡ್. ಅಕಲೆನ್ ಒಲ್ಪೊಲ್ಪ ಮುಟ್ಟೊಂದಿತ್ತ್ಂಡ್, ಬೊಡ್ಚಾಂದಿನ ವೀಡಿಯೋ ಪೂರಾ ತೂಪಾವೊಂದಿತ್ತ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಪಿದಯಿ ಈ ಇಸಯ ತೆರಿಪಾವರೆ ಬಲ್ಲಿ ಪನ್ದ್ ಪೋಡಿಗೆ ಕಟ್ಟಾದಿತ್ತ್ಂಡ್ ಪನ್ದ್ ಲಾ ತೆರಿಂಡ್.
ಡಿಸೆಂಬರ್ 14ಕ್ಕ್ ಒಂಜಿ ಪೊಣ್ಣನ್ ತನ್ನ ರೂಮುಗು ಲೆತ್ತೆಗೆ, ಪೊಣ್ಣು ಸಕಾಯೊಗು ಕಲ್ಕಿಯೊಲುಗೆ, ಉಂದೆನ್ ಪೂರಾ ತೂದು ತೂದು ಬೊಡಿದಿನ ಪೊಣ್ಣು ಜೋಕುಲು ಮಾತಾ ಸೇರ್ದ್ ದಂಟೆ ಪತೊಂದು ಆಯನ ರೂಮುಗು ಪೋದು ಸಮಾ ತಜೆದೆರ್ಗೆ. ಬೊಕ್ಕ ಪೋಲೀಸೆರೆಗ್ ತೆರಿದ್ ಆಯನ್ ಅರೆಸ್ಟ್ ಮಲ್ತೆರ್ಗೆ.