Last updated on December 9th, 2022 at 08:01 pm
ಇಂಚಪ್ಪೊಗು ದೈವದ ಪುದರ್ ಗ್ ಅನಾಚಾರ ಆಪಿನಂಚಿನ ಬೇಲೆ ಆವೊಂದಿತ್ತಿನ ಮಾತೆರೆಗ್ಲಾ ತೆರಿದಿನವು. ಉಂದು ಕಾಂತಾರ ಪಿಚ್ಚರ್ ಬತ್ತಿಬೊಕ್ಕ ನನೊಂತೆ ದಿಂಜ ಆತಿನ ನಮಕ್ ತೋಜಿದ್ ಬರ್ಪುಂಡು. ವಿಟ್ಲದ ಶಾಲೆ ಒಂಜೆಟ್ಟ್ ಛದ್ಮಏಸೊಗು ಆನ್ ಒರಿ ಪಂಜುರ್ಲಿನ ಏಸ ಪಾಡ್ದ್ ಕೈಟ್ ದೈವದ ನಗ ಪತೊಂದಿನ ವೀಡಿಯೊ ಇತ್ತೆ ವೈರಲ್ ಆತ್ಂಡ್. ಉಂದೆಕ್ ಶಾಲೆದ ಬೇತೆ ಜೋಕುಲು ಮಾತ್ರ ಅತ್ತ್ ಟೀಚರ್ನಕುಲುಲಾ ತಾಟಿ ಬೊಟ್ಟುನ ತೋಜೊಂದುಂಡು.
ಸ್ಟೇಜ್ ಲೆಡ್ ಛದ್ಮವೇಶೊಡು ದೈವೊಲೆನ ಅನುಕರಣೆ ಮಲ್ಪರೆ ಬಲ್ಲಿ ಪನ್ಪಿನ ಕಟ್ಟ್ ಪಾಡ್ ಇತೋರ್ತು ತುಳುನಾಡೊರ್ಮೆ ಇತ್ತ್ಂಡ್, ಉಂದೆನ್ ಮಾತೆರ್ಲಾ ಪಾಲನೆ ಮಲ್ತೊಂದಿತ್ತೆರ್. ಇತ್ತೆ ಕಾಂತಾರ ಬತ್ತಿಬೊಕ್ಕ ಈ ಕಟ್ಟ್ ಪಾಡ್ ಅಲ್ಪಲ್ಪ ತತ್ತ್ ಪೋಪಿನ ತೋಜೊಂದುಂಡು. ಉಂದೆನ್ ತಡೆಪರೆ ಪೋಂಡ ಪಿಚ್ಚರ್ಡ್ ಮಲ್ಪೊಲಿ ಎಂಕುಲು ದಾಯೆಗ್ ಮಲ್ಪರೆ ಬಲ್ಲಿ ಪನ್ಪಿ ಪಾತೆರಲಾ ಬರು.
ಪೆರಿಯಾಕುಲು, ತೆರಿನಕುಲು, ದೈವಾರಾಧಕೆರ್ ಉಂದೆನ್ ತಡೆತಿನಾತ್ ಎಡ್ಡೆ.