Last updated on December 28th, 2022 at 03:18 pm
ಒಡಿಪುದ ಶಾಲೆ ಒಂಜೆತ್ತ ಟೀಚರ್ ಕಾಂಡೆ ಕಾಂಡೆನೇ ಸಮಾ ಪರ್ದ್ ಟೈಟಾದ್ ಜಗಲಿಡ್ ಜೆಯಿದಿನ ಇಚಾರ ಸೋಶಿಯಲ್ ಮೀಡಿಯಾಡ್ ವೈರಲ್ ಆತ್ಂಡ್.
ಕಂಟೆಲ್ ನಿಲ್ಕೆ ಪರ್ದ್ ಜೆತ್ತಿನ ಟೀಚರ್ ಒಡಿಪುದ ಪೆರ್ಡೂರು ಗ್ರಾಮದ ಅಲಂಗಾರ್ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆದಾರ್ ಪನ್ದ್ ತೆರಿದ್ ಬೈದ್ಂಡ್. ಕಾಂಡೆ ಪರ್ದ್ ಶಾಲೆಗ್ ಬತ್ತಿನ ಟೀಚರ್ ಬೋದದಾಂತೆ ಜಗಲಿಡ್ ಜೆಯಿದಿತ್ತೆ ಉಂದೆನ್ ತೂಯಿನ ಊರುದಕುಲು ಪಿಸಿರಾತೆರ್.
ಇತ್ತೆನೇ ಈ ಟೀಚರೆನ್ ಬೇಲೆರ್ದ್ ದೆಪ್ಪೊಡು ಪನ್ದ್ ಪೆರ್ಡೂರು ಗ್ರಾಮ ಪಂಚಾಯತಿದ ಗುರ್ಕಾರೆ ದೇವು ಪೂಜಾರಿ, ಒತ್ತು ಗುರ್ಕಾರ್ದಿ ಚೇತನಾ ಶೆಟ್ಟಿ, ಪದುಕೆರಾಯಿನ ತುಕಾರಾಮ ನಾಯಕ್, ರಮೇಶ್ ಪೂಜಾರಿ, ಶಾಲಾಭಿವೃದ್ದಿ ಸಮಿತಿದಕುಲು ಬೊಕ್ಕ ಊರುದಕುಲು ಸೇರ್ದ್ ಕ್ಷೇತ್ರ ಶಿಕ್ಷಣಾಧಿಕಾರಿಗ್ ಈ ಬಗೆಟ್ ಮನವಿ ಕೊರಿಯೆರ್.