Last updated on December 4th, 2022 at 03:32 pm
ಬೊಲ್ತೇರ್: ಪಾಸಾಡಿಲೆನೊಟ್ಟುಗು ದಿಡುಪೆದ ಎರ್ಮಾಯಿ ಅರ್ಬಿಗ್ ಪೋದಿತ್ತಿನ ಜವನೆ ಒರಿ ತೀರ್ದಿನ ಘಟನೆ ವರದಿ ಆತ್ಂಡ್.
ತೀರ್ನ ಜವನನ್ ಸೆಕೆಂಡ್ ಪಿಯುಸಿ ಓದೊಂದಿಪ್ಪುನ ವಿವೇಕ್(17) ಪಂದ್ ತೆರಿದ್‌ಬೈದ್ಂಡ್. ಒಟ್ಟು 7 ಜನ ಜವನೆರ್ ಸನಿಯಾರ ಮದ್ಯಾನದಾನಿ ಎರ್ಮಾಯಿ ಅರ್ಬಿದಡೆ ಪೋತೆರ್. ಈ ಪೊರ್ತೂಡು ವಿವೇಕ್ ನೀರ್‌ಡ್ ಮುರ್ಕುದೆರ್. ಒಪ್ಪ ಇತ್ತಿ ಜವನೆರ್ ನೀರ್‌ರ್ದ್ ಮಿತ್ತ್ ಒಯ್ಪೆರ ಪುನೆಯೆರ್ನ್ಡಲಾ ಸಾಧಯ ಆತಿಜಿ. ಜವನೆರೆ ಬೊಬ್ಬೆ ಕೇಂದ್ ಅಡೆ ಬತ್ತಿನಾರೆನೊರ್ಯನ ಸಕಾಯೊಡು ವಿವೇಕ್‌ನ್ ಮಿತ್ತ್ ಒಯ್ತ್‌ದ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಆ ಪೊರ್ತುಗಾನಗ ಜವನನ ಉಸುಲು ಕಡಿದಿತ್ತ್ಂಡ್.