Last updated on January 10th, 2023 at 07:26 am
15 ವರ್ಸದ ಆನ್ ಒರಿ ಶಾಲೆದ ಅಂಗನೊಡು 5 ವರ್ಸದ ಪೊಣ್ಣು ಬಾಲೆದ ಮಿತ್ತ್ ಅತ್ಯಾಚಾರ ಮಲ್ತಿನ ನಡಕೆ ಮುಂಬೈದ ನಾಗ್ಪಾಡಾ ಪನ್ಪಿನೌಲು ನಡದ್ಂಡ್. ಪೊಣ್ಣು ಬಾಲೆನ್ ಶಾಲೆಗ್ ಲೆತೊಂದು ಪೋದು ಅಲ್ಪ ಅತ್ಯಾಚಾರ ಮಲ್ತ್ ಆಯೆ ಬಲ್ದೆ ಪನ್ದ್ ತೆರಿದ್ ಬೈದ್ಂಡ್.
ಶನಿಯಾರ ಬಯ್ಯಗ್ ಪೊಣ್ಣು ಒರ್ತಿ ಶಾಲೆದ ಪಾಗಾರದ ಉಲಯಿ ಕುಲ್ದು ಬುಲ್ಪುನೆನ್ ಜನಕುಲು ತೂದು ದಾದಾಂಡ್ ಪನ್ದ್ ಬಾಯಿ ಬುಡ್ಪಾನಗ ಇಸಯ ತೆರಿದ್ ಬತ್ತ್ಂಡ್. ಅತ್ಯಾಚಾರ ಮಲ್ಪುನಗ ವಿರೋಧ ಮಲ್ತಿನೆಕ್ಕ್ ಆನ್ ಸಮಾ ಆಕ್’ದೆ ಪಂದ್ಲಾ ಪೊಣ್ಣು ತೆರಿಪಾಯೊಲು.
ಈ ನಡಕೆಡ್ ಪೊಣ್ಣನ ಅಮ್ಮೆ ಪೋಲೀಸೆರೆಗ್ ದೂರು ಕೊರ್ತೆರ್. ಪೋಲೀಸೆರ್ ಸಿಸಿಟಿವಿ ತೂದು ಆನನ್ ನಾಡರೆ ಸುರು ಮಲ್ತೆರ್. ಆನನ ಇಲ್ಲಗ್ ಪೋದು ನಾಡುನಗ ಆಯೆ ತಿಕ್ಕಿಜೆ. ಬೊಕ್ಕ ಆಯನ ಸಂಬಂದದಕಲನ ಇಲ್ಲ್ ನಾಲಾಸೊಪಾರಡ್ ತಿಕ್ಕ್ ದ್ ಬೂರಿಯೆ. ಪೋಲೀಸೆರ್ 15 ವರ್ಸದ ಆನನ್ ಅರೆಸ್ಟ್ ಮಲ್ದೆರ್.