“ಅಮಿತ್ ಷಾ ರೌಡಿ ಇತ್ತಿಲೆಕ, ಬಿಜೆಪಿ ಗೆಂದುಜಿ, ಆಂಡಲಾ ಅಧಿಕಾರೊಗು ಬರ್ಪ” – ಬಿಜೆಪಿ ಎಂಎಲ್‌ಸಿನ ಪುದರ್ದ ಆಡಿಯೋ ವೈರಲ್

Last updated on January 15th, 2023 at 12:01 pm

ಬೆಂಗ್ಳೂರ್: ಬಿಜೆಪಿ ಆಪರೇಷನ್ ಕಮಲಗ್ ಅಟ್ಟನೆ ಮಲ್ದ್ಂಡ್. ಮಂತ್ರಿಲಾಯಿನ ಆರ್. ಅಶೋಕ್, ಅಶ್ವಥ್ಥ್ ನಾರಾಯಣ್ ಕ್ಷೇತ್ರ ಪಗಪೆರ್. ಅಮಿತ್ ಷಾ ಒಂಜಿ ರಿತಿ ರೌಡಿ ಇತ್ತಿಲೆಕ, ಜೆಡಿಎಸ್ ಅಲಕ್ಕ ಸೋಪುಂಡು- ಉ್ಂದು ಮಾತ ಎಂಕುಲು ಪನ್ಪಿನ ಪಾತೆರ ಅತ್ತ್. ಬಿಜೆಪಿ ನಾಯಕೆ ಸಿ. ಪಿ. ಯೋಗೇಶ್ವರ್ ಪನ್ತಿನ ಪನ್ದ್ ವೈರಲ್ ಆವೊಂದುಪ್ಪುನ ಆಡಿಯೋದ ಅಂಶೊಲು.

ರಾಜಕೀಯ ಲೋಕೊನು ಈ ಒಂಜಿ ಆಡಿಯೋ ಅಡಿಮೇಲ್ ಮಲ್ತೊಂದುಂಡು. ಸಿ. ಪಿ. ಯೋಗೇಶ್ವರ್ ಕುಮಾರಸ್ವಾಮಿನ ಎದುರು ಸೋತುಂಡಲಾ ಬಿಜೆಪಿಡ್ ಎಂಎಲ್‌ಸಿ ಮಲ್ತೆರ್, ಮಂತ್ರಿಲಾ ಮಲ್ತೆರ್. ನೆಕ್ ಮಾತ ಕಾರಣ ಆಪರೇಷನ್ ಕಮಲಡ್ ಯೋಗೇಶ್ವರ್‌ನ ಮಲ್ಲ ಕೈ ಇತ್ತಿನೆರ್ದಾವರ ಪನ್ದ್ ಕಾಂಗ್ರೆಸ್, ಜೆಡಿಎಸ್ ದಾಯೆ ಬಿಜೆಪಿದಕುಲ್ಲಾ ಎದುರೆದುರೇ ಮಸ್ತ್ ಸರ್ತಿ ಪಂಡೊಂದೆರ್. ಇತ್ತೆ ಈ ಆಡಿಯೋ ಪಿರ ಈ ಬಗೆಟ್ ಸುದ್ದಿ ಮಲ್ತೊಂದುಂಡು.