ತುಳುಕು ನನಾಂಡಲಾ ಮಾನಾದಿಗೆ ತಿಕ್ಕು: ಪ್ರಮೋದ್ ಮಧ್ವರಾಜ್ ವಿಶ್ವಾಸ

Last updated on January 12th, 2023 at 08:15 am

ನನಾಂಡಲ ಪಂಚದ್ರಾವಿಡ ಬಾಸೆಲೆಡ್ ಒಂಜಾಯಿನ ತುಳುಕು ರಾಜ್ಯೊಡು ಮಾನಾದಿಗೆ ತಿಕ್ಕು ಪನ್ಪಿನ ವಿಶ್ವಾಸೊನು ಪ್ರಮೋದ್ ಮಧ್ವರಾಜ್ ಮೇರ್ ತೆರಿಪಾಯೆರ್.

ಒಡಿಪುದ ಎಂಜಿಎಂ ಕಾಲೇಜಿದ ಮುದ್ದಣ ಮಂಟಪೊಡು ನಡತಿನ ತುಳುಕೂಟ ಒಡಿಪು ಮೊಕಲೆನ 21ನೇ ವರ್ಸದ ಕೆಮ್ತೂರು ದೊಡ್ಡಣ್ಣ ಶೆಟ್ರೆ ನೆಂಪುದ ತುಳು ನಾಟಕದ ಪಂತೊನು ಉದಿಪನ ಮಲ್ತಿನ ಪ್ರಮೋದ್ ಮಧ್ವರಾಜೆರ್ ಪಾತೆರ್ದ್ ತುಳು ಬಾಸೆಗ್ ಬೇತೆ ನಾಲ್ ಬಾಸೆಲೆಗ್ ತಿಕ್ಕಿನ ಮಾನಾದಿಗೆ ನನಲ ತಿಕ್ಕ್‌ದಿಜಿ. ಇತ್ತೆ ಸರಕಾರೊಡು ಸಂಸ್ಕೃತಿ ಸಚಿವೆರ್ ತುಳುವೆರ್ ಆದಿತ್ತಿನೆರ್ದಾವರ ತುಳು ಬಾಸೆಗ್ ನಮ್ಮ ರಾಜ್ಯೊಡು ಮಾನಾದಿಗೆ ತಿಕ್ಕು ಪನ್ಪಿ ವಿಶ್ವಾಸ ಉಂಡು ಪಂಡೆರ್. 

ಅಂಚೆನೆ ಪಾತೆರ್ದ್, ಜನಕುಲೆನ್ ಗೋಡ್ಯಾರೆ ಮಕ್ಕರ್‌ದ ಅಗತ್ಯ ಉಂಡು. ಆಂಡ ಸಮಾಜೊನು ಪಗಪೊಡಾಂಡ ಗುಣಾತ್ಮಕ ನಾಟಕೊಲು ಬೋಡು, ತುಳುಕೂಟ ಈ ದಿಸೆಟ್ ಬೆನೊಂದುಂಡು ಪನ್ದ್ ಪುಗರಿಯೆರ್