Last updated on January 8th, 2023 at 01:32 pm
ಉಳ್ಳಾಲ: ತೊಕ್ಕೊಟ್ಟುರ್ದ್ ಕುತ್ತಾರ್‌ದಂಚಿ ಪೋವೊಂದಿತ್ತಿನ ಬೈಕ್ ಒಂಜಿ ಅಂಕೆ ತತ್ತ್‌ದ್ ಡಿವೈಡರ್‌ಗ್ ಎಡ್ತಿನ ನಡಕೆ ಕುತ್ತಾರ್ ಶ್ರೀ ರಾಜರಾಜೇಶ್ವರಿ ಸಿದ್ದಿವಿನಾಯಕ ದೇವಲ್ಯೊದಲ್ಪ ಸನಿಯಾರ ರಾತ್ರೆ ನಡತ್ದ್ಂಡ್.
ಚೆಂಬುಗುಡ್ಡೆ ಕೆರೆಬೈಲ್‌ದ ಭೂಷಣ್ ರೈ(20) ಕಲ್ಲಾಪು ಬುರ್ದುಗೋಳಿರ್ದ್ ಬರೊಂದುಪ್ಪುನಗ ಕುತ್ತಾರ್‌ದಲ್ಪ ಬೈಕ್ ಡಿವೈಡರ್‌ಗ್ ಎಡ್ತ್‌ದ್ಂಡ್. ಎಡ್ತಿನ ಪೆಟ್ಟ್‌ಡ್ ಮೇರ್ ತಾದಿದ ಕುಡೊಂಜಿ ಮರ್ಗಿಲ್‌ಗ್ ರಟ್ಟ್‌ದೆರ್.
ತರೆಕ್ ಗಾತಿದ ಪೆಟ್ಟಾದ್ ತಾದಿಡ್ ಬೂರ್ದಿತ್ತಿನ ಮೆರೆನ್, ಅವ್ವೇ ತಾದಿಡ್ ಬರೊಂದಿತ್ತಿನ ಜನೊಕುಲು ದೇರಳಕಟ್ಟೆದ ಪ್ರೈವೇಟ್ ಆಸ್ಪತ್ರೆಗ್ ಸೇರಾದೆರ್. ಬೈಕ್‌ದ ಎದ್‌ರ್ದ ಬರಿ ಅಲಕ್ಕ ಞಕ್ಕೆ ಆತ್ಂಡ್. ಕುಡ್ಲ ತೆಂಕಾಯಿ ಸಂಚಾರೀ ಪೋಲೀಸೆರ್ ಪ್ರಕರಣ ದಾಕಲ್ ಮಲ್ತೊಂದೆರ್.