Last updated on January 31st, 2023 at 11:05 am
ಧರ್ಮಸ್ಥಳದ ಅಶೋಕನಗರದ 19 ವರ್ಸದ ಹರ್ಷಿತ್ ಪನ್ಪಿನ ಆನ್ ಖಾಸಾಗಿ ಕಾಲೇಜಿಡ್ ಬಿ.ಕಾಂ ಕಲ್ತೊಂದಿತ್ತೆ. 15 ದಿನೊತ ದುಂಬು ಒರಿ ಗುರ್ತದಾಂತಿನಾಯಡ ಇನ್ಸ್‌ಟಾಗ್ರಾಂಡ್ ಚಾಟ್ ಮಲ್ತೊಂದಿತ್ತೆ. ಒಂತೆ ದಿನ ಕರಿನೇ ಗುರ್ತದಾಂತಿನಾಯೆ ಹರ್ಷಿತ್‌ಗ್ ಫೋನ್ ಮಲ್ತ್ ನಿನ್ನ ಪರ್ಸನಲ್ ವೀಡಿಯೋ ಉಂಡು ಕಾಸ್ ಕೊರೊಡು ಇಜಿಂಡ ಅವೆನ್ ರಿಲೀಸ್ ಮಲ್ಪುವ ಪನ್ದ್ ಪೋಡಿಗೆ ಕಟ್ಟಾದಿತ್ತೆರ್ಗೆ. 11000ಗು ಡಿಮಾಂಡ್ ಮಲ್ದಿತ್ತೆರ್ಗೆ.
ಹರ್ಷಿತ್ ಜನವರಿ 23 ಮುಟ್ಟ ಕಾಸ್ ಒಟ್ಟು ಮಲ್ಪರೆ ಟೈಮ್ ಕೇನ್ದಿತ್ತೆಗೆ. ಕಾಸ್ ಒಟ್ಟಾವಂದಿನ ತೂದು ನನ ವೀಡಿಯೋ ವೈರಲ್ ಆಪುಂಡು ಪನ್ದ್ ಪೋಡಿದ್ ಇಸ ದೆತೊಂಡೆಗೆ. ಆಯನ್ ಉಜಿರೆದ ಆಸ್ಪತ್ರೆಡ್ ಅಡ್ಮಿಟ್ ಮಲ್ದಿತ್ತೆರ್ ಅಲ್ತ್ ಕುಡ್ಲಗ್ ಕೊನೊಯೆರ್ ಆಂಡ ಮರ್ದ್ ನಡಪಂದೆ ಜನವರಿ 29ಗು ತೀರಿಯೆ.
ಹರ್ಷಿತ್ ಆಸ್ಪತ್ರೆಡ್ ಉಪ್ಪುನಗ ಪೋಲೀಸೆರೆಗ್ ಮಾತಾ ಮಾಯಿತಿ ಕೊರ್ತೆ. ಧರ್ಮಸ್ಥಳ ಪೋಲೀಸ್ ಸ್ಟೇಷನ್‌ಡ್ ಕೇಸ್ ನಡತೊಂದುಂಡು.