Last updated on January 9th, 2023 at 01:12 pm
ತಿರುವನಂತಪುರಂ: ಎಚ್ಚಿನ ರಾಜ್ಯೊಲೆಡ್ ಶಾಲೆ ಜೋಕುಲೆಗ್ ಮಧ್ಯಾನದ ವನಸ್ ಕೊರ್ಪುನ ವೆವಸ್ತೆ ಉಂಡು. ಕೆಲ ರಾಜ್ಯೊಲೆಡ್ ಪೇರ್ ಬೊಕ್ಕ ಕೆತ್ತಿ ಕೊರ್ಪುನ ಕಿರಮೊಲಾ ಇತ್ತ್ಂಡ್. ಈ ಸಾಲ್‌ಗ್ ಇತ್ತೆ ಕಾಂಡೆದ ತೆನಸ್‌ಲಾ ಸೇರ್ದ್ಂಡ್. ಕೇರಳೊದ ಕೊಚ್ಚಿಡುಪ್ಪುನ ಸರ್ಕಾರಿ ಶಾಲೆಡ್ ಇನಿರ್ದ್ ಈ ಯೋಜನೆ ಜಪ್ಪಾವೊಂದುಲ್ಲೆರ್.
ಅಪೌಷ್ಟಿಕತೆರ್ದ್ ನರಲೊಂದುಪ್ಪುನ 150 ಜೋಕುಲೆಗ್ ಕಾಂಡೆದ ತೆನಸ್ ಕೊರ್ಪುನ ಪಂದ್ ನಿರ್ಧರಿತ್‌ದೆರ್. ಕೊಚ್ಚಿದ ಪೊಂಜೋಕ್ಲೆನ ಶಾಲೆಡ್ 8, 9 ಬೊಕ್ಕ 10ನೇ ಕ್ಲಾಸ್ದ ಜೋಕುಲೆಗ್ ಈ ತೆನಸ್ ತಿಕ್ಕರೆಗುಂಡು.
ಎಚ್ಚಿನ ಜೋಕುಲು ಕಾಂಡೆ ದಾಲ ತಿನಂದೆ ಶಾಲೆಗ್ ಬರೊಂದಿತ್ತೆರ್. ಉ್ಂದೆರ್ದಾವರ ಜೋಕ್ಲೆನ ಆರೋಗ್ಯಗ್ ಪೆಟ್ಟ್ ಬೂರೊಂದಿತ್ತ್ಂಡ್. ಕೊಚ್ಚಿ ಮಹಾನಗರ ಪಾಲಿಕೆ ತೆನಸ್‌ದ ವೆವಸ್ತೆ ಮನ್ಪುನ ಜಬದ್ದರಿ ಗೆತೊಂದುಂಡು.
ಕಾಂಡೆದ ತೆನಸ್ಡ್ ಅಪ್ಪಮ್, ಇಡ್ಲಿ, ದೋಸೆ, ಚಪಾತಿ ಬೊಕ್ಕ ಗಸಿ ತಿಕ್ಕುಂಡು. ಜೋಕುಲೆಗ್ ತೆತ್ತಿ ಬೊಕ್ತ ಪರ್ಂದ್ಲಾ ಕೊರ್ಪಿನ ಯೋಜನೆ ಉಂಡು.