Last updated on January 3rd, 2023 at 05:41 pm
ಕುಡ್ಲ: ಪೇಂಟೆಡ್ ಕಲ್ವನೋಟು ಸಾಗ್ಸಾವೊಂದಿತ್ತಿನ ರಡ್ಡ್ ಜನೊನು ಕದ್ರಿ ಪೋಲೀಸೆರ್ ಕೈದ್ ಮಲ್ದೆರ್ ಪಂದ್ ಪೋಲೀಸ್ ಕಮಿಷನರ್ ಶಶಿಕುಮಾರ್ ತೆರಿಪಾಯೆರ್.
ಬಂಟ್ವಾಳ ತಾಲೂಕ್ ಬಿ.ಸಿ.ರೋಡ್‌ದ ನಿಜ಼ಾಮುದ್ದೀನ್ ಯಾನೆ ನಿಜಾಂ (32) ಬೊಕ್ಕ ಜಪ್ಪುದ ರಜ಼ೀಮ್ ಯಾನೆ ರಾಫಿ(31) ಕೈದಾತಿ ಆರೋಪಿಲು. ಜನವರಿ 2ಕ್ ಆರೋಪಿಲು ಪಾಂಡೇಶ್ವರ ಪೊಲೀಸ್ ಸ್ಟೇಷನ್‌ದ ಸೀಮೆಡ್ ಸ್ಕೂಟರ್ ಕಂಡ್‌ದ್, ಬಯ್ಯಡ್ ಅವ್ವೇ ಸ್ಕೂಟರ್‌ಡ್ ಕಲ್ವನೋಟು ಸಾಗ್ಸಾವೊಂದಿತ್ತೆರ್. ಮೊಕಲೆನ ಕೈರ್ದ್ 500 ರೂಪಾಯಿ ದ 450000 ಮೌಲ್ಯೊದ ಕಲ್ವನೋಟು ಪತ್ತ್‌ದೆರ್ ಪಂದ್ ತೆರಿದ್‌ಬೈದ್ಂಡ್.
ಆರೋಪಿಲು ಬೆಂಗ್ಳೂರ್‌ದ ಡೇನಿಯಲ್ ಪನ್ಪಿನಾಯಡ ಈ ನೋಟುಲೆನ್ ದೆತೊಂದು ಕುಡ್ಲಡ್ ಸಾಗ್ಸಾವೊಂದಿತ್ತೆರ್. ಜನವರಿ 2ಕ್ ನಂತೂರ್‌ಡ್ ಗಾಡಿಲೆನ ಜಡ್ತೆ ಆನಗ ಸ್ಕೂಟರ್ ಒಂಜಿ ಬಾರಿ ಬರಸ್‌ಡ್ ಪೋತುಂಡು. ನೆನ್ ತೂದು ಸ್ಕೂಟರ್ ಉಂತಾದ್ ಚೆಕ್ ಮನ್ಪುನಗ ಕಲ್ವನೋಟು ತಿಕ್ಕ್‌ದ್ಂಡ್.
ಈ ಕಲ್ವನೋಟುಲು ತಮಿಳ್ನಾಡ್‌ದ ಕೊಯಮತ್ತೂರ್‌ಡ್ ಪ್ರಿಂಟ್ ಆವೊಂದಿತ್ತ. ಆರೋಪಿಲೆನ್ ಪತ್ತಿನ ಪೋಲೀಸೆರೆಗ್ 10 ಸಾವಿರ ರೂಪಾಯಿ ಬಹುಮಾನ ಕೊರ್ಪ ಪಂದ್‌ಲಾ ಕಮಿಷನ್ ತೆರಿಪಾಯೆರ್.