ಕರ್ನಾಟಕದ ಸುರುತ ಹೈಟೆಕ್ ಬಸ್ಸ್ ಉಂತಾನ ತೊರತ್ತಲ್ ಡ್ ಉದಿಪನ ಆಂಡ್

Last updated on January 5th, 2023 at 10:52 am

ಕರ್ನಾಟಕೊಡೇ ಸುರುತ ಹೈಟೆಕ್ ಬಸ್ಸ್ ಉಂತಾನ ಪನ್ಪಿ ಪುಗಾರ್ತೆಡ್ ತೊರತ್ತಲ್ದ ಗೋವಿಂದದಾಸ ಕಾಲೇಜಿದ ಎದುರು ಕಟ್ಟಿನ ಬಸ್ಸ್ ಸ್ಟಾಂಡ್ ಪಡೆಯೊಂದುಂಡು. ಉಂದೆನ್ 17.25 ಲಕ್ಷೊಡು ಕುಡ್ಲ ನಗರಾಭಿವೃದ್ದಿ ಪ್ರಾಧಿಕಾರದ ಸಕಾಯೊಡು ಕಟ್ಟಿಯೆರ್. ತೆನ್ಕಾಯಿ ಕುಡ್ಲದ ಶಾಸರೆರಾಯಿನ ಡಾ.ಭರತ್ ಶೆಟ್ಟಿ ಮೇರ್ ಉಂದೆತ ಉದಿಪನೊನು ಸೋಮಾರ ಜನವರಿ ರಡ್ಡೆಕ್ಕ್ ಮಲ್ತೆರ್.

ಉದಿಪನ ಮಲ್ತ್ ಪಾತೆರಿನ ಶಾಸಕೆರ್, ಈ ಹೈಟೆಕ್ ಬಸ್ ಸ್ಟಾಂಡ್ ಡ್ ಎಡ್ಡೆ ಪರ್ಪಿನ ನೀರ್ ಉಂಡು, ಸಿಸಿಟಿವಿ ಕೆಮರಾ ಉಂಡು, ಡಿಜಿಟಲ್ ಟಚ್ ಸ್ಕೀನ್ ಮಾಯಿತಿ ಕೊರ್ಪಿ ಬೋರ್ಡು ಉಂಡು, ಕೈತಲ್ದ ಪೋಲೀಸೆರೆಗ್ ಎಮರ್ಜೆನ್ಸಿ ಲೆಪ್ಪು ಪೋಪಿನ ವ್ಯವಸ್ಥೆ ಉಂಡು. ಅಂಚೆನೆ ಎಡ್ಡೆಂತಿನ ಪಾಯಿಖಾನೆಲ ಕಟ್ಟುಂಡು. ನನ ಇಂಚಿನನೆ ಒಂಜಿ ಬಸ್ ಸ್ಟಾಂಡ್ ಎನ್.ಐ.ಟಿ.ಕೆ ದಲ್ಪಲಾ ಕಟ್ಟುನ ಯೋಜನೆ ಉಂಡು ಪನ್ದ್ ತೆರಿಪಾಯೆರ್.