Last updated on January 2nd, 2023 at 05:04 pm
ಕಿದೆಟ್ ಜೆಯಿದಿತ್ತಿನ ಪೆತ್ತದ ಕಂಜಿದ ಮಿತ್ತ್ ಅತ್ಯಾಚಾರ ಮಲ್ತಿನ ಅಮಾನವೀಯ ನಡಕೆ ಕರ್ನಾಟಕದ ರಾಯಚೂರುಡು ಬೊಲ್ಪುಗು ಬೈದ್ಂಡ್. ಈ ಪೈಶಾಚಿಕ ಕೃತ್ಯ ಮಲ್ತಿನಾಯೆ 24 ವರ್ಸದ ಇಮ್ತಿಯಾಜ್ ಪನ್ದ್ ತೆರಿದ್ ಬೈದ್ಂಡ್.
ರಾಯಚೂರುದ ಲಿಂಗನಸೂರು ಗ್ರಾಮದ ಅಮೀವ್ ದರ್ಗಾದ ಕೈತಲ್ ಅಮರೇಶ್ ಪನ್ಪಿನಾರ್ ಕಂಡೊಡು ಕಿದೆ ಕಟ್ಟ್ ದ್ ಪೆತ್ತ ಕಂಜಿಲೆನ್ ಸಾಂಕೊಂದಿತ್ತೆರ್. ಡಿಸೆಂಬರ್ 31ಕ್ಕ್ ಅಮರೇಶ್ ಕಾಂಡೆ ಕಿದೆರ್ದ್ ಇಲ್ಲಗ್ ಪೋಪಿನ ಪೊರ್ತು ತೂದು ಇಮ್ತಿಯಾಜ್ ಕಿದೆಕ್ ಬತ್ತ್ ಪೆತ್ತದ ಕೈ ಕಾರ್ ಕಟ್ ದ್ ಅವೆತ ಮಿತ್ತ್ ಲೈಂಗಿಕ ದೌರ್ಜನ್ಯ ಮಲ್ತೆ. ಕಾಂಡೆ 7-30 ಕ್ಕ್ ಅಮರೇಶ್ ಪಿರ ಬತ್ತಿನೇ ಉಂದೆನ್ ತೂದು ಅರೆಗ್ ಶಾಕ್ ಆತ್ಂಡ್. ಅಮರೇಶ್ ಇಂತಿಯಾಜ್ ನ್ ಪತ್ತ್ ದ್ ಪೋಲೀಸಮರೆಗ್ ಒಪ್ಸಾದೆ. ಪೋಲೀಸೆರ್ ಒಯಿಲ್ ಜೆತೊಂದು ಸೆಕ್ಷನ್ 377ತ್ತ ಪ್ರಕಾರ ಪ್ರಕರಣ ಪಾಡ್ದೆರ್ ಪನ್ದ್ ತೆರಿದ್ ಬೈದ್ಂಡ್.