Last updated on January 9th, 2023 at 03:50 pm
ಎದ್‌ರ್ಪಕ್ಷೊದ ನಾಯಕೆ, ದುಂಬುದ ಸಿಎಂ ಸಿದ್ದರಾಮಯ್ಯೆರೆನ್ ಈಡ್ ಮಲ್ತ್ ಬರೆತಿನ ‘ಸಿದ್ದು ನಿಜ ಕನಸುಗಳು’ ಮಸ್ತಿರೆನ್ ಬುಡುಗಡೆ ಮನ್ಪೆರ ಬಿಜೆಪಿ ಅಟ್ಟನೆ ಮಲ್ದ್ಂಡ್. ಉನ್ನತ ಶಿಕ್ಷಣ ಸಚಿವೆ ಡಾ. ಅಶ್ವತ್ಥನಾರಾಯಣೆರ್ ಈ ಮಸ್ತಿರೆನ್ ಬುಡುಗಡೆ ಮನ್ತೊಂದುಲ್ಲೆರ್. ಆಂಡ ಕಾಂಗ್ರೆಸ್ ಉ್ಂದೆಕ್ ಬಾರಿ ವಿರೋಧ ತೋಜಾವೊಂದುಂಡು.
ಮಸ್ತಿರೆ ಬುಡುಗಡೆನ್ ಉಂತಾವರ ಕಾಂಗ್ರೆಸ್ ಎಸ್.ಜೆ ಪಾರ್ಕ್ ಪೋಲೀಸ್ ಸ್ಟೇಷನ್‌‌ಡ್ ಒಯಿಲ್ ಕೊರ್ತುಂಡು. ಕಾನೂನು ಸುವ್ಯವಸ್ಥೆನ್ ಒರಿತೊನುನ ದಿಟ್ಟಿಡ್ ಮಸ್ತಿರೆ ಬುಡುಎಡೆನ್ ಉಂತಾವೊಡು ಪಂದ್ ಕಾಂಗ್ರೆಸ್ ವಕ್ತಾರೆ ಸೂರ್ಯ ಮುಕುಂದರಾಜ್ ಒಯಿಲ್ ಕೊರ್ತೆರ್.
ಸಿದ್ದರಾಮಯ್ಯೆರೆ ಫೋಟೋನು ಎಡಿಟ್ ಮಲ್ತ್‌ದ್, ಮಂಡೆಗ್ ಬತ್ತಿಲೆಕ ಬರೆತೆರ್. ಉ್ಂದೊಂಜಿ ಸಮುದಾಯೊಗು ವಿರುದ್ಧವಾಯಿನ ಮಸ್ತಿರೆ. ಈ ಮಸ್ತಿರೆಗ್ ‘ಅಂದಿನ ಟಿಪ್ಪು ಈಗಿನ ಸಿದ್ದುವೇ?’ ಪನ್ಪಿ ಅಡಿಬರವು ಕೊರ್ದು ಸಿದ್ದರಾಮಯ್ಯೆರೆ ತೇಜೋವಧೆ ಮಲ್ತೊಂದುಲ್ಲೆರ್ ಅಂಚಾದ್ ಮಸ್ತಿರೆ ಬುಡುಗಡೆ ಆವರ ಬುಡ್ರ ಬಲ್ಲಿ ಪಂದ್ ಸೂರ್ಯ ಮುಕುಂದರಾಜ್ ಒಯಿಲ್‌ಡ್ ತೆರಿಪಾದೆರ್.