ಸುಳ್ಯ ಜಾತ್ರೆಡ್ ಹಿಂದುಲೆಗ್ ಮಾತ್ರ ಬೇರ ಮಲ್ಪರೆ ಅವಕಾಶ : ಒತ್ತಡೊಗು ಬಗ್ಗ್ ದ್ ನಿರ್ಧಾರ ಬದಲ್?

Last updated on January 5th, 2023 at 11:28 am

ದೇಲಂತಡೆಟ್ ನಡಪುನ ಜಾತ್ರೆ ಆಯನೊಲೆಡ್ ಬೇತೆ ಧರ್ಮದಕಲೆಗ್ ಬೇರ ಮಲ್ಪರೆ ಬುಡರೆ ಬಲ್ಲಿ ಪನ್ಪಿನ ಒತ್ತಡ ಜೋರಾತ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಸುಳ್ಯ ಜಾತ್ರೆಡ್ ಒಂಜಿ ಪೊರ್ತುಡು ಮಾತೆರೆಗ್ಲಾ ಬೇರ ಮಲ್ಪರೆ ಅವಕಾಶ ಕೊರ್ಪಿನ ನಿರ್ಧಾರ ಆದಿತ್ತ್ಂಡಲಾ ಅಕೇರಿಗ್ ಹಿಂದುಲೆಗ್ ಮಾತ್ರ ಪನ್ಪಿ ನಿರ್ಧಾರ ಬೈದ್ಂಡ್.

ಸುಳ್ಯದ ಚೆನ್ನಕೇಶವ ದೇಲಂತಡೆತ ಜಾತ್ರೆ ಜನವರಿ 9 ರ್ದ್ 12 ಮುಟ್ಟ ನಡಪರೆಗುಂಡು. ಜನವರಿ 6ಕ್ಕ್ ಸಂತೆ ಪಾಡುನೆತ್ತ ಏಲಂ ನಡಪುಂಡು. ಈ ಬಗೆಟ್ ಜನವರಿ 3ಕ್ಕ್ ನಡತಿನ ಸಭೆಟ್ ಮಾತಾ ಧರ್ಮದಕಲೆಗ್ ಅಂಗಡಿ ಪಾಡರೆ ಬುಡ್ಪಿನ ನಿರ್ಧಾರ ಆದಿತ್ತ್ಂಡ್. ಉಂದೆನ್ ಹಿಂದೂ ಸಂಘಟನೆಲು ವಿರೋಧ ಮಲ್ದಿತ್ತೆರ್. ಹಿಂದೂ ಸಂಘಟನೆಲ ವಿರೋಧ ತೂದು ತುರ್ತೊಡು ಸಭೆ ಮಲ್ತ್ ಹಿಂದುಲೆಗ್ ಮಾತ್ರ ಬೇರ ಮಲ್ಪರೆ ಕೊರ್ಪಿನ ನಿರ್ಧಾರ ಆಂಡ್.