ಹೆಲ್ಮೆಟ್’ಡ್ ಪಂಜುರ್ಲಿ! ನನ ದಾದ ಪೂರಾ ತೂವರೆ ಉಂಡಾ ಈ ಕಣ್ಣ್’ಡ್!

Last updated on January 7th, 2023 at 07:55 am

ಕಾಂತಾರ ಪಿಚ್ಚರ್ ಬತ್ತ್’ದ್ ತುಳುನಾಡ್’ದ ದೈವಾರಾಧನೆದ ಸಭ್ಯತೆನ್ ಲಾಯಿಲಗಾಡಿ ದೆತ್ತಿನೆಕ್ಕ್ ನಮಕ್ ದಿನೊಕೊಂಜಿ ಉದಾರ್ಮೆಲು ತಿಕ್ಕುವ. ತುಳುವೆರೆ ದೈವೊಲೆಗ್ ಉಪ್ಪುನು ಕಲ್ಲ್, ಪಾಲೆದ ಮುಗ ಇಜಿಂಡ ಕಂಚಿ ಬೊಳ್ಳಿದ ಪಾಪೆ,ಮುಗ. ತಿಕ್ಕಿನಲ್ಪ ತೂಯಿನಲ್ಪ ದೈವೊಲೆನ ಚಿತ್ರ ಬುಡ್ಪಾವುನ ಆವಡ್ ದೈವೊಲೆನ ಪಟ ಗಲಸುನ ಆವಡ್ ತುಳುನಾಡ್’ಡ್ ಇತ್ತಿಜಿ. ಇಂಚ ಉಪ್ಪುನಗ ಕಾಂತಾರ ಪಿಚ್ಚರ್ ತೂದು ಜನಕುಲು ದೈವದ ಏಸ ಪಾಡೊಂದು ಕೋಂಗಿ ಕಟ್ಟಿನ ತೂತ ನಮ. ಅಂಚೆನೇ eimorcustoms ಪನ್ಪಿ ಪುದರ್ದ ಇನ್ಸ್ಟಾಗ್ರಾಂ ಪೇಜಿದಕುಲು ದೈವೊದ ಪಟೊನು ಹೆಲ್ಮೆಟ್’ಡ್ ಪ್ರಿಂಟ್ ಮಲ್ತ್ ಅವೆನ್ ಸಾಮಾಜಿಕ ಜಾಲತಾಣೊಡು ಪಟ್ಟೊಂಡೆರ್. ಈತ್ ಆತ್ಂಡ ಅಕಲೆಗ್ ತಿಳುವಳಿಕೆದ ಕೊರತೆ ಪಂಡ್ ಪನೊಲಿ ಆಂಡ ಅವೆತ ತಿರ್ತ್ ಕಮೆಂಟ್ ಡ್ ನಮ್ಮ ಊರುದ ತುಳುವೆರ್, ಕೊಂಕಣಿಲು ಅವೆನ್ ಪುಗರುನ ತೋಜೊಂದುಂಡು. ನಮ್ಮ ಊರುದಕುಲು ಮಂಡೆನ್ ಓಲು ಮಾರ್’ದೆರ್ ಪಂದೇ ತೆರಿಯುಜಿ.

ಸದ್ಯೊಗು ಜನಕುಲು ಆಕ್ರೋಶ ಮಲ್ತಿನ ತೂದು ಪೇಜಿದಕುಲು ಅವೆನ್ ದೆತ್ತೆರ್. ಆಂಡ ಅಕಲೆನ್ ಮೊಕಲೆನ್ ದೂರುನೆರ್ದ್ ಇಂಚ ಆವರೆ ನೆವನ ದಾದ ಬೊಕ್ಕ ಏರ್ ಪನ್ದ್ ತುಳುವೆರ್ ಒರ ಗೆರೆಪುಲೆ.