Last updated on January 14th, 2023 at 10:18 am
ವಾದಿರಾಜ್ ಕೆ ಉಪ್ಪೂರ್ ಮೆರೆನ ನಿರ್ದೇಶನೊಡು, ಪ್ರಥಮ್ ಫಿಲ್ಮ್ ಪ್ರೊಡಕ್ಷನ್ಸ್‌ದ ‘ಪೇಪರ್ ಸ್ಟೂಡೆಂಟ್’ ಪನ್ಪಿ ಪೊಸ ತುಳು ಪಿಚ್ಚರ್ ಜನವರಿ 13 ಕ್ ತೊರ್ತಲ್‌ದ ಸಿನಿ ಗೆಲಕ್ಸಿಡ್ ಬುಡುಗಡೆ ಆಂಡ್.
ಬುಡುಗಡೆ ಲೇಸ್‌ಡ್ ನಿರ್ದೇಶಕೆ ವಾದಿರಾಜ್ ಕೆ ಉಪ್ಪೂರ್, ನಟೆ ಹರ್ಷಿತ್ ಶೆಟ್ಟಿ, ಡೀನಾ ಪೂಜಾರಿ, ತುಳು ಅಕಾಡೆಮಿದ ಮಾನಾದಿಗೆ ಪಡೆತಿನ ಕೃಷ್ಣಪ್ಪ ಉಪ್ಪೂರ್, ಯೋಗೇಶ್ ಕಾಂಚನ್, ಯಶವಂತ್ ಬೋಳೂರ್, ವಾದಿರಾಜೆರೆನ ಅಪ್ಪೆ ಮೀರಾ ಕೆ ಉಪ್ಪೂರ್ ಪಾಲ್‌ಗೆತೊಂಡೆರ್.
ಡಾನ್ಸ್‌ದ ಮಿತ್ತ್ ಬಾರಿ ಮೋಕೆ ಉಪ್ಪುನ ಪಾಸಾಡಿಲೆನ ಕೂಟೊ ಒಂಜಿ ಎಂಚ ಪಂತೊಡು ಗೆಂದುವೆರ್, ಅಕುಲೆಗೆದುರಾಪಿ ಸವಾಲ್‌ಲೆನ ಈ ಪಿಚ್ಚರ್ದ ಕತೆ ತಿರ್ಗುಂಡು.
ಎಚ್ಚಾದ್ ಪೊಸ ಕಲಾವಿದೆರೆ ಉಪ್ಪುನ ಈ ಪಿಚ್ಚರ್ಡ್ ಹರ್ಷಿತ್ ಶೆಟ್ಟಿ, ಗಗನ್ ಆಳ್ವ, ಡೀನಾ ಪೂಜಾರಿ, ಯಶಸ್ವಿ ದೇವಾಡಿಗ, ಸೆಲೋಮ್ ಡಿಸೋಜ಼ಾ, ಆಕರ್ಷ್, ನಿರೀಕ್ಷಿತ್, ಸಾಯಿರಾಮ್, ಶಬರಿ, ಶ್ರಿಯಾ, ಸಚಿನ್ ಕುಂಬ್ಳೆ, ಮಾನ್ವಿ, ಪ್ರಸಾದ್ ಕುಮಾರ್, ರಮ್ಯ ಸುಧೀಂದ್ರ ರಂಗ್ ಪಾಡ್ದೆರ್.
ವಾದಿರಾಜೆರ್ ಕಾಲಿ ನಿರ್ದೇಶನ ಮಾತ್ರ ಅತ್ತಂದೆ ಈ ಮೂವೀದ ಕತೆ, ಸಾಹಿತ್ಯ, ಸ್ಕ್ರೀನ್‌ಪ್ಲೇ ಬೊಕ್ಕ ಡೈಲಾಗ್‌ಲಾ ಬರೆತೆರ್. ವೀಡಿಯೋಗ್ರಫಿನ್ ಮಹಾಬಲ ಹೊಳ್ಳ, ಸಾಹಿತ್ಯೊನು ಶೀನ ನಾಡೊಳಿ ಬೊಕ್ಕ ದೀಪ್ತಿ ನಿಕ್ಷಿತ್, ಎಡಿಟಿಂಗ್‌ನ್ ಸುಬ್ರಹ್ಮಣ್ಯ ಹೊಳ್ಳ, ಒತ್ತು ನಿರ್ದೇಶನೊನು ವಿನಾಯಕ ಬಾಳಿಗಾ ಬೊಕ್ಕ ಪ್ರಕಾಶ್ ಭಾನುಶಾಲಿ ಮಲ್ದೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಪಗದ ಗುರ್ಕಾರ್ಲು ದಯಾನಂದ್ ಜಿ ಕತ್ತಲ್ಸಾರ್ ಬೊಕ್ಕ ಬ್ಯಾರಿ ಸಾಹಿತ್ಯ ಅಕಾಡೆಮಿದ ರಹೀಂ ಉಚ್ಚಿಲ ಇಸೇಸ ಪಾತ್ರೊಡು ಉಲ್ಲೆರ್.