ಕಟೀಲ್ : ಪಾರ್ಕಿಂಗ್‌ಗ್ಲಾ ಕಟ್ಟೊಡು ಕಾಸ್! ವೈರಲ್ ಆವೊಂದುಂಡು ಪೋಸ್ಟರ್

Last updated on January 4th, 2023 at 10:53 am

ಕಟೀಲ್ದಪ್ಪೆ ಉಲ್ಲಾಲ್ದಿನ ದೇಲಂತಡೆಡ್ ಇತ್ತೆ ಪೊಸತೊಂಜಿ ನಿಯಮ ಬೈದ್ಂಡ್. ಪಾರ್ಕಿಂಗ್ ದಲ್ಪ ಗಾಡಿ ಉಂತಾವುನಕುಲು ಪಾರ್ಕಿಂಗ್ ಮಲ್ತಿನೆಕ್ ಕಾಸ್ ಕಟ್ಟೊಡು. ಜನಕುಲು ನೆತ್ತ ವಿರುದ್ಧ ಸಮಾಜಿಕ ಜಾಲತಾಣೊಲೆಡ್ ಬೆಚ್ಚ ಆವೊಂದುಲ್ಲೆರ್, ಅಪ್ಪೆನ್ ತೂವರೆ ಬರ್ಪಿನ ಜನಕ್ಲೆನ ಕಿಸೆ ಕಾಲಿ ಮಲ್ತೊಂದುಲ್ಲೆರ್ ನೆಟ್ಲಾ ಕಾಸ್ ಮಲ್ಲುನ ಏತ್ ಸರಿ ಪನ್ದ್ ಜನಕುಲು ಕೇನೊಂದುಲ್ಲೆರ್.

ದೇಲಂತಡೆತ ಪುಂಡಿಗ್ ಪಾಡುನ ಕಾಸ್ ಡ್ ಪಾರ್ಕಿಂಗ್ ಟಿಕೆಟ್ ದೊತೊಂದು ಬೊಕ್ಕ ಟಿಕೆಟ್ ನ್ ನನ ಪುಂಡಿಗ್ ಪಾಡೊಡು ಪನ್ದ್ ಆಕ್ರೋಶೊಡು ಬರೆತಿನ ಪೋಸ್ಟರ್ ಇತ್ತೆ ಪಗರೊಂದುಂಡು. ಜನಪ್ರತಿನಿದಿಲು ಉನೇನ್ ಬೇಗ ಸಮ ಮಲ್ಪೊಡು ಪನ್ಪುನ ಪೋಸ್ಟರ್ ಇತ್ತೆ ಸಾಮಾಜಿಕ ಜಾಲತಾಣೊಡು ಬಾರಿ ವೈರಲ್ ಆವೊಂದುಂಡು.