Last updated on January 22nd, 2023 at 11:24 am
ಜನವರಿ 21ಕ್ಕ್ ಪಡ್ಡೆದ್ರದ ಪೆರ್ಯಾದಿನ್ ಕಡತೊಂದಿಪ್ಪುನಗ ಕುಡ್ಲದಂಚಿರ್ದ್ ಒಡಿಪುಗು ಪೋವೊಂದಿತ್ತಿನ ಬೈಕ್ ಒಂಜಿ ಎಡ್ತ್ ಬೊಲ್ಮನ್‌ದ 48 ವರ್ಸದ ಸದಾನಂದ ದೇವಾಡಿಗ ಮೆರೆಗ್ ಜೋರ್ ಪೆಟ್ಟಾತ್ಂಡ್. ಬೈಕ್ ಎಡ್ತಿನ ಬರಸ್‌ಗ್ ಮೇರ್ ರೋಡುಗು ಬೂರ್ದು ಮಂಡೆಗ್ ತಾಗ್‌ದ್ಂಡ್ ಪನ್ದ್ ತೆರಿದ್ ಬೈದ್ಂಡ್.
ಪಡ್ಡೆದ್ರಡ್ ಸುರುತ ಮರ್ದ್ ಮಲ್ತ್ ಮತಿ ತತ್ತಿನ ಒರುಟೇ ಅರೆನ್ ಮಣಿಪಾಲದ ಕೆಎಂಸಿಗ್ ಕೊನೊಯೆರ್. ಬೈಕ್ ಬುಡೊಂದಿತ್ತಿನ ಯಶವಂತ್ ಪನ್ಪಿನರೆಗ್ಲಾ ಬಲತ ಪುಗ್ಗೆಲ್‌ಗ್ ಅಂಚೆನೆ ದುಡಿಕ್ ಪೆಟ್ಟಾದ್ ಪಡ್ಡೆದ್ರ ಆಸ್ಪತ್ರೆಡ್ ಮರ್ದ್ ಆವೊಂದುಂಡು. ಪಡ್ಡೆದ್ರ ಪೋಲೀಸೆರ್ ಪ್ರಕರಣ ಪಾಡೊಂದೆರ್.