Last updated on January 15th, 2023 at 01:50 pm
ನೇಪಾಳೊಡು 72 ಜನ ಇತ್ತಿನ ಯೇತಿ ಏರ್‌ಲೈನ್ಸ್‌ದ ವಿಮಾನ ಮಗ್‌ರ್ದ್ಂಡ್. ಐತಾರ ಪೋಖ್ರಾ‌ಡ್ ಲ್ಯಾಂಡ್ ಆವೊಂದುಪ್ಪುನಗ ಈ ನಡಕೆ ನಡತ್‌ದ್ಂಡ್. ನೇಪಾಳೊದ ನಾಗರಿಕ ವಿಮಾನಯಾನ ಪ್ರಾಧಿಕಾರ (CAAN) ದ ಪಿರ್ಕಾರ ಯೇತಿ ಏರ್‌ಲೈನ್ಸ್‌ದ 9N-ANC ATR-72 ವಿಮಾನ ಕಾಠ್ಮಂಡುರ್ದ್ ಕಾಂಡೆ 10:33ಕ್ ಟೇಕಾಫ್ ಆದಿತ್ತ್ಂಡ್.
ಪೋಖ್ರಾ ಏರ್‌ಪೋರ್ಟ್‌ಡ್ ಜತ್ತೊಂದಿಪ್ಪುನಗ, ಪೊಸ ಬೊಕ್ಕ ಪರತ್ ಏರ್‌ಪೋರ್ಟ್‌ದ ನಡುಟಿಪ್ಪುನ ಸೇಟಿ ಸುದೆತ ಬರಿಟ್ ವಿಮಾನ ಮಗ್‌ರ್ದ್ಂಡ್. 32 ಜನ ಇಮಾನೊಡಿತ್ತಿನಕುಲು ತೀರಿಯೆರ್. ಇಮಾನೊಡು 5 ಜನ ಭಾರತೀಯೆರ್ಲಾ ಇತ್ತೆರ್. ಬಾಕಿದಕಲೆನ ಪರಿಸ್ಥಿತಿ ಸೀರಿಯಸ್ ಆದುಂಡು. ತೂ ತೆಕ್ಕಾವುನ ಅಂಚೆನೆ ಜನಕುಲೆನ್ ನಾಡ್ದ್ ಒರಿಪಾವುನ ಕಜ್ಜ ನಡತೊಂದುಂಡು.