Last updated on January 18th, 2023 at 10:14 am
ಕೋರ್ದಟ್ಟೊಡು ದೂದು ಕಟ್ಟುನೆನೆ ತೆರಿದ್ ಪೋಲೀಸೆರ್ ಕಲೊಕು ರೈಡ್ ಮಲ್ತ್ ದೂದು ಕಟ್ಟುನಕುಲು ತಿಕ್ಕಂದೆ ಕಡೆಕ್ ಅಲ್ಪ ಇತ್ತಿನ ಮೂಜಿ ಪೂಂಜೆಲೆನ್ ಪತೊಂದು ಪೋಯಿನ ನಡಕೆ ಕೊಪ್ಪಳಡ್ ನಡತ್ಂಡ್. ಪೋಲೀಸೆರ್ ಬರ್ಪಿನ ತೂದು ಕೋರ್ದಟ್ಟ ಮಲ್ತೊಂದಿತ್ತಿನಕಲು ಕೋರಿ ಬುಡ್ದ್ ಪದ್ರಾಡಾತೆರ್‌ಗೆ.
ಕೊಪ್ಪಳ ಜಿಲ್ಲೆದ ಕಾರಟಗಿ ತಾಲೂಕುದ ಬಸಣ್ಣನ ಕ್ಯಾಂಪ್‌ಡ್ ಕೋರ್ದಟ್ಟ ನಡತೊಂದಿತ್ತ್ಂಡ್. ಉಂದೆನ್ ತೆರಿನ ಪೋಲೀಸೆರ್ ಅಡೆಗ್ ರೈಡ್ ಪಾಡ್ದಿತ್ತೆರ್. ಅಲ್ಪ ಇತ್ತಿನ 9 ಬೈಕ್ ಲೆನ್ ಸೀಜ಼್ ಮಲ್ತ್, ಮೂಜಿ ಪೂಂಜೆಲೆನ್ ಕಾರಟಗಿ ಪೋಲೀಸ್ ಸ್ಟೇಷನ್‌ಡ್ ಬಂದ್‌ಡ್ ದೀತೆರ್ಗೆ.