Last updated on January 29th, 2023 at 11:59 am
ಅಪ್ರಾಪ್ತೆನ ಮಿತ್ತ್ ಅತ್ಯಾಚಾರ ಮಲ್ದಿನ ಅಪರಾಧಿಗ್ ಎಫ್‌ಟಿಎಸ್‌ಸಿ ನ್ಯಾಯಾಲಯ 10 ವರಿಸ ಕಠಿಣ ಶಿಕ್ಷೆ ಬೊಕ್ಕ 10 ಸಾವಿರ ರೂ.ದಂಡ ಪಾಡ್ದ್ಂಡ್. ಮಂಜುನಾಥ್‌ ರಾವ್‌ ಶಿಕ್ಷೆನ್ ಪಡೆಯೊನಿನ ಅಪರಾಧಿ.
ಮೆಡಿಕಲ್‌ ಗ್ಯಾಸ್‌ ಸಿಲಿಂಡರ್‌ ಬೇರ ಮಲ್ತೊಂದಿತ್ತಿನ ಮಂಜುನಾಥ್‌, ಅವೆತೊಟ್ಟುಗು ಅವ್ವೇ ಅಂಗಡಿಡ್ ದೇವೆರೆ ಪಟೊಕುಲೆನ್ ದೀಡೊಂದು ಅಂಗಡಿಗ್ ಪೊಂಜೊವುಲೆನ್ ಬೊಕ್ಕ ಜೋಕುಲೆನ್ ಲೆತ್ತ್ ಧೂಪ ಸುತ್ತುದು ಪುರ್ಸಾದ ಕೊರ್ದು ಕಡಪುಡುನೆನ್ ಮಲ್ತೊಂದಿತ್ತೆ.
2021 ತ್ತ ಜುಲೈ 7ಕ್ಕ್ ಕಾಂಡೆ 11 ಗಂಟೆಗ್ ಲಲಿತಮ್ಮ ಪನ್ಪಿನಾರ್ ತನ್ನ ಮಗಲೆನೊಟ್ಟುಗು ಸಿಂಗ್ರಸಂದ್ರದ ಆರೋಪಿನ ಅಂಗಡಿಗ್ ಪೋದಿತ್ತೆರ್, ಈ ಪೊರ್ತುಗು ಆರೋಪಿ ಇರೆಗ್ ನಾಗದೋಷ ಉಂಡು. ಪರಿಹಾರ ಮಲ್ಪರೆ ಪೂಜಾ ಸಾಮಗ್ರಿ ಕನಲೆ ಪನ್ದ್ ಪಿದಯಿ ಕಡಪುಡಿಯೆ, ಈ ಪೊರ್ತು ಒರ್ತೇ ಇತ್ತಿನ ಪೊಣ್ಣನ ಮಿತ್ತ್ ಲೈಂಗಿಕ ದೌರ್ಜನ್ಯ ಮಲ್ತೆ.
ಈ ಸಂಬಂಧ ಪರಪ್ಪನ ಅಗ್ರಹಾರ ಪೊಲೀಸ್‌ ಠಾಣೆಡ್ ಪ್ರಕರಣ ದಾಖಲಾದಿತ್ತ್ಂಡ್. ತನಿಖಾಧಿಕಾರಿ ಎಸ್.ಸಂದೀಪ್ ಆರೋಪಿನ ವಿರುದ್ಧ ನ್ಯಾಯಾಲಯೊಗು ದೋಷಾರೋಪ ಕೊರ್ದಿತ್ತೆರ್.ಪ್ರಕರಣ ವಿಚಾರಣೆ ಮಲ್ತಿನ ನ್ಯಾಯಾಧೀಶರಾಯಿನ ಇಷ್ರತ್‌ ಜಹಾನ್‌ ಅಪರಾಧಿಗ್ 10 ವರ್ಸದ ಕಠಿಣ ಶಿಕ್ಷೆ ಬೊಕ್ಕ 10 ಸಾವಿರ ರೂ. ದಂಡ ಪಾಡ್ದ್ ಆದೇಶ ಕೊರ್ತೆರ್. ಪೊಣ್ಣನ ಪರ ಸರ್ಕಾರಿ ಅಭಿಯೋಜಕರಾಯಿನ ಗೀತಾ ಗೊರವರ ವಾದ ಮಲ್ತೆರ್.