Last updated on January 21st, 2023 at 07:45 pm
ತ್ರಿಪುರಾ ವಿಧಾನಸಭಾ ಓಟುಗು ನನ ಒಂಜಿ ತಿಂಗೊಲುರ್ದುಲಾ ಕಮ್ಮಿ ದಿನ ಉಪ್ಪುನು. ಈ ಪೋರ್ತುಡು ತ್ರಿಪುರಾದ ಆದಿವಾಸಿಲೆನ ನಾಯಕೆ ಪ್ರದ್ಯೋತ್ ಮಾಣಿಕ್ಯ ಮೇರ್ ಮೆರೆನ ಪಕ್ಷ ಈ ಓಟುಡು ಪ್ರಮುಖ ಗೊಬ್ಬು ಗೊಬ್ಬುನ ಉಮೇದ್‌ಡ್ ಉಲ್ಲೆರ್.
Tripura Indegenous Progressive Regional Alliance ಪನ್ಪಿ ಪುದರ್ದ ಪಕ್ಷ ತ್ರಿಪುರಾದ ಆದಿವಾಸಿಲೆಗ್ ಪ್ರತ್ಯೇಕ ರಾಜ್ಯ ಇಜಿಂಡ ಕೇಂದ್ರಾಡಳಿತ ಪ್ರದೇಶ ಬೋಡು ಪನ್ಪಿ ಬೇಡಿಕೆ ದೀವೊಂದು ಈ ಸಲತ ಓಟುಡು ಮಲ್ಲ ಮಟ್ಟದ ಪಾಲ್ ದೆತೊನುನೆಟ್ಟುಲ್ಲೆರ್.
ರಾಷ್ಟ್ರೀಯ ಪಕ್ಷೊಲೆಗ್ ಎಂಕಲೆನ ಬೇನೆ ಅರ್ಥ ಆಪುಜಿ. ಎಂಕಲೆನ ಬಂಞ ದಾದ ಪನ್ದ್ ಅಕುಲು ತೆರಿಯೊನರೆಲಾ ರೆಡಿ ಇಜ್ಜೆರ್. ಕೇಂದ್ರೊಡ್ ಒವ್ವೇ ಪಕ್ಷ ಅಧಿಕಾರಡ್ ಉಪ್ಪಡ್, ಅಕುಲು ಎಂಕ್ಲೆನ ರಾಜ್ಯೊಲೆನ್ ಲೆಕ್ಕೊಗು ದೆತೊನುಜೆರ್ಡ ಎಂಕಲೆಗ್ ಪ್ರಾದೇಶಿಕ ಪಕ್ಷೊಲೆನ್ ಬುಲೆಪಾದ್ ಮೊಕಲೆನ್ ಪಿದಯಿ ಪಾಡರೆ ತೆರಿದ್ಂಡ್. ಪ್ರಾದೇಶಿಕ ಪಕ್ಷೊಲು ಎಂಕಲೆನ ಅಸ್ಥಿತ್ವ, ಸಂಸ್ಕೃತಿನ್ ಒರಿಪಾವರೆ ಕಟ್ಟುವ ಪನ್ದ್ ಪಂಡೆರ್.
ಎಂಕಲೆಗ್ ಎಂಕಲೆನ ಅಂಗ್‌ದ ಬೋಡು. ಒಂಜಿ ರಡ್ಡ್ ತಾನಮಾನ , ಫಂಡ್ ಅತ್ತ್. ಎಂಕಲೆಗ್ ಎಂಕಲೆನ ಹಕ್ಕ್, ಎಂಕಲೆನ ಅಪ್ಪೆನೆಲ ಒರಿಪಾವೊಡು ಬೊಕ್ಕ ರಾಜಕೀಯ ಪಾತೆರ್ಗ ಪನ್ದ್ ರಾಷ್ಟ್ರೀಯ ಪಕ್ಷೊಲೆಗ್ ಸವಾಲ್ ಪಾಡಿಯೆರ್.
ಮಾಣಿಕ್ಯೆರ್ ಪಾತೆರ್ದ್ ತ್ರಿಪುರಾಡ್ ಉಪ್ಪುನ ಬೆಂಗಾಳಿ ಪಾತೆರುನ ಮೆಜಾರಿಟಿ ಜನತ ವಿರುದ್ದವಾದ್ ಎಂಕುಲು ಅಭಿಯಾನ ಮಲ್ತೊಂದುಲ್ಲ ಪನ್ದ್ ಎನ್ನರೆ ಬಲ್ಲಿ, ಕೆಲವೆರ್ ಪನ್ಪೆರ್ ಎಂಕುಲು ಎಂಕ್ಲೆ ಹಕ್ಕ್ ಕೇಂಡ ಅವೆಟ್ ಬೇತಕಲೆಗ್ ಸಮಸ್ಯೆ ಆಪುಂಡು ಪನ್ದ್. ಎಂಕ್ ಎನ್ನುಂಡು ತ್ರಿಪುರಾದ ಮೂಲನಿವಾಸಿಲೆಗ್ ಆತಿನ ಅನ್ಯಾಯ ಬೆಂಗಾಲಿಲೆರ್ದ್ ಅತ್ತ್. ಎಂಕುಲು ಎಂಕ್ಲೆನ ಆದಿವಾಸಿಲೆನ ಹಕ್ಕುಲೆನ್ ಬೇತಕಲೆನ ಹಕ್ಕುಗು ಕುಂದೆಲ್ ಬರಂದಿಲೆಕ್ಕ ಕೇನೊಂದುಲ್ಲ.
ಎಂಕುಲು 40 ಸೀಟ್‌ಡ್ ಗೆಂದುವ. ಮೆಜಾರಿಟಿ ಬೋಡಾಂಡ 31 ಸೀಟ್ ಯಾವು ಅಂಚಾದ್ ಒವ್ವೇ ರೀತಿದ ಸಮ್ಮಿಶ್ರದ ಅವಶ್ಯಕತೆ ಇಜ್ಜಿ ಪನ್ದ್ ಪಂಡೆರ್. ಎಂಕಲೆನ ಐಡಿಯಾಲಜಿಟ್ ಒವ್ವೇ ರಾಜಿ ಇಜ್ಜಿ ಪನ್ದ್ ಪಂಡೆರ್.