Last updated on January 10th, 2023 at 11:02 am
ಮದಿಮೆ ಆತಿನ ಪೊಣ್ಣನ ಮಿತ್ತ್ ಲೈಂಗಿಕ ದೌರ್ಜನ್ಯ ಮಲ್ತ್, ಕೆರ್ಪಿನ ಪೋಡಿಗೆ ಕಟ್ಟಾದಿನ ಆರೋಪೊದ ಮಿತ್ತ್ ಪುತ್ತೂರು ಮಹಿಳಾ ಪೋಲೀಸ್ ಸ್ಟೇಷನ್ದಕುಲು ಬೊಲ್ತೇರ್ ತಾಲೂಕುದ ಕುಪ್ಪೆಟ್ಟಿದ ಉಬೈದ್ ಪನ್ಪಿನಾಯನ್ ಅರೆಸ್ಟ್ ಮಲ್ದೆರ್.
7 ವರ್ಸದ ದುಂಬುದು ಪೊಣ್ಣಗ್ ಮದಿಮೆ ಆವೊರ್ದು ದುಂಬೇ ಉಂಬ್ಯನ ಪೊಲಬು ಇತ್ತ್ಂಡ್. ಮೊಬೈಲ್ ನಂಬರ್ ದೆತೊಂದು ಮದ್ಮೆ ಆಪೆ ಪನ್ದ್ ಆಜೆ ಕೊರ್ದು ಪೊಣ್ಣನೊಟ್ಟುಗು ಅಸಭ್ಯವಾದ್ ಬೇಲೆ ಮಲ್ದಿತ್ತೆ ಪನ್ದ್ ತೆರಿದ್ ಬೈದ್ಂಡ್. ಮದಿಮೆ ಆಪಿನ ಕಾಲೊಡು ಬಡವೆರ್ ಪನ್ದ್ ಒತ್ತೊನಿಜೆಗೆ ಅಂಚಾದ್ ಪೊಣ್ಣು ಬೇತೆ ಒರಿಯನ್ ಮದ್ಮೆ ಆಯೊಲುಗೆ.
ಅಲೆಗ್ ಇತ್ತೆ ರಡ್ಡ್ ಜೋಕುಲುಲಾ ಉಂಡು.
ಇತ್ತೆ ಕುಡ ಪೊಣ್ಣಗ್ ಫೋನ್ ಮಲ್ತ್ ಉಬೈದ್ ಕಾಸ್ ಬೊಕ್ಕ ಬಂಗಾರ ಕೊರೊಡು ಇಜಿಂಡ ಈ ಎನ್ನೊಟ್ಟುಗಿತ್ತಿನ ಪಟಕುಲೆನ್ ನಿನ್ನ ಕಂಡನಿಲ್ಲದಕಲೆಗ್ ತೂಪಾವೆ ಪನ್ದ್ ಪೋಡಿಗೆ ಕಟ್ಟಾದಿತ್ತೆಗೆ. ಉಂಬೆನ್ ಬ್ಲಾಕ್’ಮೈಲ್ ಗ್ ಪೋಡಿದ್ ಪೊಣ್ಣು 15 ಪವನ್ ಬಂಗಾರ ಆಯಗ್ ಕೊರ್ತೊಲುಗೆ. ಆತೇ ಅತ್ತಂದೆ ಮೋಲು ಒರ್ತೇ ಉಪ್ಪುನದಗ ಆಯೆ ಇಲ್ಲಗ್ ಬತ್ತ್ ಅತ್ಯಾಚಾರಲಾ ಮಲ್ದೆ ಪನ್ದ್ ದೂರು ಕೊರ್ತೊಲು.
ಉಂಬೆನ ಕಿರುಕುಳ ತಡೆತೊನರೆ ಆವಂದೆ ಪೊಣ್ಣು ಪೋಲೀಸೆರೆಗ್ ಕಂಪ್ಲೆಂಟ್ ಕೊರಿಯೊಲು. ಪೋಲೀಸೆರ್ ಉಬೈದ್ ನ್ ಬೆಂಗಳೂರುಡು ಪತ್ತಿಯೆರ್.