Last updated on January 28th, 2023 at 11:52 am
ಪ್ರವೀಣ್ ನೆಟ್ಟಾರ್‌ನ್ ಕೆರ್ತಿನ ವಿಷಯೊಡು ತನಿಖೆ ಮಲ್ತ್ ವರದಿ ಒಪ್ಪಾಯಿನ ಎನ್ಐಎತ ವರದಿಡ್ ಮಲ್ಲ ಮಲ್ಲ ಸಂಗತಿಲು ಪಿದಯಿ ಬೂರೊಂದುಲ್ಲ. ನಿಷೇದಿತ ಪಿಎಫ್ಐ ಸಂಘಟನೆ ನೆತ್ತ ಪಿರವು ಇತ್ತಿನವು ತೆರಿದಿನನೇ. ಆಂಡ ಈ ಸಂಘಟನೆ ಎಂಚ ಉಂದೆನ್ ಮಲ್ತ್ಂಡ್ ಪನ್ಪಿ ವಿಷಯೊನು ಚಾರ್ಜ್ ಶೀಟ್‌ಡ್ ತೆರಿಪಾದೆರ್.
ಮಸೂದ್‌ನ ಸಾವುದ ವಿರುದ್ದ ಪಗೆ ಸಂದಾವರೆ ಪಿಎಫ್ಐ ನಾಲ್ ಜನ ಹಿಂದೂಲೆನ್ ಕೆರಿಯರೆ ಪುನೆಪು ಬೈದಿತ್ತ್ಂಡ್. ಕೋರಿದ ಅಂಗಡಿರ್ದ್ ಪ್ರವೀಣ್ ಪಿದಯಿ ಬತ್ತಿನೇ ಅರೆನ್ ಮಿತ್ತ್ ಮಾರಕಾಸ್ತ್ರ ದಾಳಿ ಮಲ್ತ್ ಅರೆನ್ ಕೆರ್ಪಿನೆತ್ತ ಪಿರವುಡು ಸರ್ವಿಸ್ ಪನ್ಪಿ ಪುದರ್ದ ಪಿಎಫ್ಐಗ್ ಸೇರಿನ ಸಂಘಟನೆ ಬೇಲೆ ಮಲ್ದಿತ್ತ್ಂಡ್.
2047ತ್ತ ಉಲಯಿ ಇಸ್ಲಾಮಿಕ್ ಆಳ್ವಿಕೆನ್ ಉಂಡು ಮಲ್ಪುನ ಕಾರ್ಯಸೂಚಿ ದೀದ್ ಹಿಂದೂ ನಾಯಕೆರೆನ ಮಿತ್ತ್ ದಾಳಿ ಮಲ್ಪುನ ಪ್ಲಾನ್ ಪಾಡ್ದಿತ್ತೆರ್. ಸರ್ವೀಸ್ ತಂಡದಕಲೆನ ಬ್ರೈನ್ ವಾಷ್ ಮಲ್ತ್ ಅಕಲೆನ್ ಹಿಂದೂ ದ್ವೇಷಿಲಾದ್ ಮಲ್ತೊಂದಿತ್ತೆರ್.