Last updated on January 20th, 2023 at 02:57 pm
ದೇಶೊಡೊರ್ಮೆ ಹಿಜಾಬ್, ಬುರ್ಖಾದ ಪೆಟ್ಟ್ ಲಡಾಯಿ ಕಮ್ಮಿ ಆವೊಂದು ಬತ್ತಿನೇ ಇತ್ತೆ ಉತ್ತರ ಪ್ರದೇಶೊದ ಮೊರಾದಾಬಾದ್‌ಡ್ ಈ ಲಡಾಯಿ ಪಿರ ಕೇಂದ್‌ಬರೊಂದುಂಡು. ಮೊರಾದಾಬಾದ್ ಕಾಲೇಜ್‌ ಬುರ್ಖಾ ಪಾಡ್ದ್ ಬರ್ಪುನೆನ್ ನಿಷೇಧ ಮಲ್ದ್ಂಡ್. ನೆತ್ತ ಬಗ್ಗೆ ಬರಿ ಪರ-ವಿರೋಧೊಲೆನ ಚರ್ಚೆ ಆವೊಂದುಂಡು.
ಇತ್ತೆ ರಾಜಕೀಯ ಪಕ್ಷೊಲೆ ನಾಯಕೆರ್ ತನ್ಕುಲೆಗ್ ಬೋಡಾಯಿಲೆಕ ಒಂಜೊಂಜಿ ಹೇಳಿಕೆಲೆನ್ ಕೊರೊಂದುಲ್ಲೆರ್. ಸಮಾಜವಾದಿ ಪಕ್ಷೊದ ನಾಯಕೆ, ದುಂಬುದ ಸಚಿವೆ, ಜಮೀರುಲ್ಲಾ ಖಾನ್, ಏರ್ ಬುರ್ಖಾ ನಿಷೇಧ ಮನ್ಪೆರಾ, ಏರ್ ಬುರ್ಖಾನ್ ವಿರೋಧ ಮನ್ಪೆರಾ ಅಕ್ಲೆನ್ ನಡುತಾದಿಡ್ ಉರ್ಬುಲಿ ಮೆರವಣಿಗೆ ಮನ್ಪಾವೊಡು ಪಂದ್ ಪಂತಿನ ಪಾತೆರ ಬಾರಿ ವಿವಾದ ಉಂಡುಮಲ್ದ್ಂಡ್.
ಬುರ್ಖಾ ನಿಷೇಧೊದ ಕ್ರಮ ಒಂಜಿ ಸಮುದಾಯೊದ ವಿರುದ್ಧ ದೆತೊಂದಿನ ಕ್ರಮ, ಪೊಂಜೋಕ್ಲೆಗ್ ಬುರ್ಖಾ ಪಾಡೊಂದು ಶಾಲೆ-ಕಾಲೇಜ್‌ಗ್ ಪೋಯೆರ ಅವಕಾಶ ಕೊರೊಡು. ಮುಸ್ಲಿಂ ಸಮುದಾಯೊನು ಟಾರ್ಗೆಟ್ ಮಲ್ತೊಂದುಲ್ಲೆರ್. ಒವ್ವೇ ಕಾರಣೊಗು ಬುರ್ಖಾ ನಿಷೇಧ ಮನ್ಪೆರ ಬುಡ್ಪುಜಿಂದ್ ಪಂತೆರ್.