Last updated on January 28th, 2023 at 10:08 am
Registration Form Link: https://forms.gle/KNSpiUDHVqWR1gqd8
ತುಳುಲಿಪಿ ಇನಿ ಊರ್‌ಊರ್‌ಗ್ ಎತ್ತ್‌ದ್ಂಡ್ ಪಂಡ ಅವೆತ ಪಿರವು ಜೈ ತುಲುನಾಡ್ (ರಿ.) ಪನ್ಪಿ ಒಂಜಿ ಸಂಘಟನೆದ ಬೇಲೆ ಮಸ್ತ್ ಉಂಡು. ತುಳು ಲಿಪಿನ್ ಆನ್‌ಲೈನ್ ಅಂಚೆನೇ ಆಫ್‌ಲೈನ್ ಕ್ಲಾಸ್‌ಲೆಡ್ ಪಂಡ್‌ದ್ ಕೊರ್ಪುನ ಈ ಸಂಘಟನೆ ‘ಬಲೆ ತುಲು ಲಿಪಿ ಕಲ್ಪುಗ’ ಪನ್ಪಿ ಪುದರ್‌ಡ್ ಈತ್‌ನೇಟ ಸುಮಾರ್ 165ರ್ದ್‌ಲಾ ಮಿತ್ತ್ ಆನ್‌ಲೈನ್ ಕ್ಲಾಸ್‌ಲೆನ್ ಮಲ್ದೆರ್.
ಇತ್ತೆ ಒಂಜಿ ಪಜ್ಜೆ ದುಂಬು ಪೋದು ಆನ್‌ಲೈನ್‌ಡ್ ತುಳು ಬಾಸೆ ಕಲ್ಪಾವುನ ಕಜ್ಜೊಗು ಅಟ್ಟನೆ ಮಲ್ದೆರ್. ಈ ದುಂಬುಲಾ ಕ್ಲಾಸ್ ನಡತೊಂದಿತ್ತ್ಂಡಲಾ ಈ ಸರ್ತಿ ಪೊಸ ದೇಕಿಡ್ ವಾಟ್ಸಾಪ್ ಬೊಕ್ಕ ಗೂಗಲ್ ಮೀಟ್ ತಂತ್ರಾಂಶೊಲೆನ್ ಗಲಸೊಂದು ‘ತುಲು ಪಾತೆರ್ಗ ಬಲೆ- Tulu Learning Course’ ಪುದರ್‌ಡ್ ತುಳು ಬಾಸೆ ಕಲ್ಪು ಕೊಟ್ಯನ್ ಸುರು ಮಲ್ತೊಂದುಲ್ಲೆರ್.
ನಿಕಲೆಡ ನನ “ನಂಗೆ ತುಳು ಕಲ್ಸು ಮಾರಾಯ”, “भाई, मुझे तुळु सिखादो।”, ” ചേട്ടാ, എന്നെ തുളു ഭാഷ പഠിപ്പിക്കൂ” ಇಂಚ ಮಾತ ಪನ್ಪಿನಕಲೆಗ್ ಈ ಆನ್‌ಲೈನ್ ಕ್ಲಾಸ್‌ದ ರಿಜಿಸ್ಟ್ರೇಷನ್ ಫಾರ್ಮ್ ಕಡಪುಡ್ಲೆ. ಅಕುಲೆಗ್ ತುಳು ಕಲ್ಪೆರ ಸಕಾಯ ಆಲೆ.