ತುಳು ಬಾಸೆಗ್ ಸರಕಾರ ಇತ್ತೆನೇ ಮಾನಾದಿಗೆ ಕೊರೊಡು : ಪ್ರಮೋದ್ ಮುತಾಲಿಕ್

Last updated on January 16th, 2023 at 07:24 pm

ಪ್ರಮೋದ್ ಮುತಾಲಿಕ್ ಇಂಚಪ್ಪೊಗು ಕಾರ್ಲಡ್ ಓಟುದ ಕಲೊಕು ಜಪ್ಪುವೆ ಪನ್ದ್ ಸುದ್ದಿ ಆದಿತ್ತೆರ್. ಓಟುಗ ಉಂತುನ ನಿಗಂಟ್ ಪನ್ದ್ ಪರ್ಪಲೆ ಗುಡ್ಡೆಡ್ ತೆರಿಪಾದಿತ್ತೆರ್. ಅಡ್ವೆ ನಂದಿಕೂರುಡು ನಡತಿನ ಕೋಟಿ ಚೆನ್ನಯ ಜೋಡುಕರೆ ಕಂಬುಲೊಡು ಬಿನ್ನೆರಾದ್ ಬತ್ತಿನ ಮುತಾಲಿಕ್ ಇತ್ತೆ ತುಳುಕಾದ್ ಸೊರ ದೆರ್ದೆರ್.

ಮಿತ್ತ ಚಾವಡಿಡ್ ಪಾತೆರಿನ ಪ್ರಮೋದೆರ್ ತುಳು ಪಿರಾಕ್‌ದ ಬಾಸೆ, ಶ್ರೇಷ್ಠ ಬಾಸೆ, ತುಳುನಾಡ್‌ದ ಜನಕುಲೆನ ಅಪ್ಪೆ ಬಾಸೆ. ಈ ಬಾಸೆಗ್ ಮಾನಾದಿಗೆನ್ ಸರಕಾರ ಇತ್ತೆನೇ ಕೊರೊಡು ಪನ್ದ್ ಪಂಡೆರ್. ಪ್ರಮೋದ್ ಮುತಾಲಿಕೆರ್ ತುಳುಕು ಬೆರಿಬಲ ಕೊರಿನ ತೂದು ಕಂಬುಲೊಡಿತ್ತಿನ ತುಳುವೆರ್ ಜೋರುಡು ತಾಟಿ ಬೊಟ್ಟಿನ ಕೇನ್ಂಡ್.