ತುಮಕೂರು ಜಿಲ್ಲೆಡ್ ತುಳುನಾಡ್‌ದ ಶಾಲೆಲೆನ್ ಮಾದರಿಯಾದ್ ದೆತೊಂದು ಬುಲೆಪಾವುನ ಅಟ್ಟನೆ

Last updated on January 16th, 2023 at 08:42 am

ತುಳುನಾಡ್‌ದ ಶಾಲೆಲು ದೇಶೊಗೇ ಮಾದರಿಯಾದುಂಡು. ಇತ್ತೆ ತುಳುನಾಡ ಶಾಲೆಲೆನ್ ಮಾದರಿಯಾದ್ ದೆತೊಂದು ತುಮಕೂರುದ ಶಾಲೆಲೆನ ಅಭಿವೃದ್ದಿ ಮಲ್ಪುನ ಅಟ್ಟನೆನ್ ನಾಗರಿಕ ನಿರ್ದೇಶನದ ಇಲಾಖೆ ಮಲ್ತೊಂದುಂಡು. ವಿಜ್ಞಾನ ಪಾರ್ಕ್, ವಿಜ್ಞಾನ ಬೊಕ್ಕ ಲೆಕ್ಕ ಲ್ಯಾಬ್‌ದಂಚಿನ ಪೊಸ ಯೋಜನೊಲೆನ್ ತುಳುನಾಡ ಶಾಲೆಲು ಪಾಡೊಂದಿತ್ತ ಅಂಚಿನ ಯೋಜನೆಲೆನ್ ತುಮಕೂರುಡುಲಾ ಪಾಡೊಂಡು ಪನ್ಪಿನ ನಿರ್ಧಾರ ಆಂಡ್.

144 ಜನ ಟೀಚರ್ನಕಲೆನ ಕೂಪೆ ತುಳುನಾಡ್‌ದ ಶ್ರೀರಾಮಕುಂಜೇಶ್ವರ ಹೈಸ್ಕೂಲು ರಾಮಕುಂಜ, ಸರಕಾರಿ ಹೈಸ್ಕೂಲು ಬೊಲ್ತೇರ್‌ಗ್ ಕರಿನ ವಾರ ಭೇಟಿ ಕೊರಿಯೆರ್. ಉಂದೆನ್ ತೂಯಿನ ತುಮಕೂರುದ ಟೀಚರ್ನಕುಲು ಇಂಚಿನ ಪೊಸ ರೀತಿದ ಶಿಕ್ಷಣ ಬೊಕ್ಕ ಜೋಕುಲು ಪ್ರಾಕ್ಟಿಕಲ್ ಆದ್ ಕಲ್ಪುನ ವ್ಯವಸ್ಥೆ ತೂದು ಮಸ್ತ್ ಕುಸಿಯಾಂಡ್. ಇಂಚಿನನೇ ವ್ಯವಸ್ಥೆಲೆನ್ ಎಂಕ್ಲೆನ ಶಾಲೆಲೆಡ್ಲಾ ಮಲ್ತೊನುವ ಉಂದೆರ್ದ್ ಶಿಕ್ಷಣದ ಗುಣಮಟ್ಟ ದಿಂಜ ಆಪುಂಡು ಪನ್ದ್ ಪಂಡೆರ್.