Last updated on January 24th, 2023 at 03:28 pm
ಸಾಸ್ತಾನಡ್ ಕರಿನ ಸಪ್ಟೆಂಬರ್‌ಡ್ ಹೊಟೇಲ್ ಉದ್ಯಮಿ ರಾಜೇಶ್ ಪೂಜಾರಿ ಮೆರೆನ ಇಲ್ಲಡ್ ಕಂಡ್‌ದಿನ ಪ್ರಕರಣೊದ ಪಿರ ಬೆರಿಪತೊಂದು ಪೋಯಿನ ಪೋಲೀಸೆರೆಗ್ ರಡ್ಡ್ ಕಲ್ವೆರೆನ್ ಪತ್ತ್‌ದೆರ್.
ರಾಜೇಶ್ ದೇವಾಡಿಗ ಬೊಕ್ಕ ಮಹಮ್ಮದ್ ರಿಯಾಝ್ ಅರೆಸ್ಟ್ ಆಯಿನಕುಲು. ಮೊಕಲೆನ್ ಮೊರನಿ ಜನವರಿ 22ಕ್ಕ್ ಪತ್ತಿನ ಪೋಲೀಸೆರೆಗ್ ಮೊಕಲೆನ ಕಾರ್‌ಡ್ ಬಂಗಾರ್ ತಿಕ್ಕ್ಂಡ್. ಬೊಕ್ಕ ಬಾಯಿ ಬುಡ್ಪಾನಗ ಉಂದು ಇಂಚೊಗು ಸಾಸ್ತಾನದ ಇಂಗ್ರೇಜಿದ ಕೈತಲ್ದ ಇಲ್ಲಡ್ ಕಂಡಿನವು ಶಿವಮೊಗ್ಗಗ್ ಮಾರ್ಯರೆ ಕೊನೊಂದುಲ್ಲೆರ್ ಪನ್ದ್ ಬಾಯಿ ಬುಡಿಯೆರ್.
ಈ ರಡ್ಡ್ ಕಲ್ವೆರೆಗ್ ಪೆರಿಯಡ್ಕ ಜೈಲ್‌ಡ್ ಉಪ್ಪುನಗ ಒಟ್ಟುಗು ಗುರ್ತ ಆದಿತ್ತ್ಂಡ್‌ಗೆ. ಮೊಕುಲು ಒಡಿಪು ಬೊಕ್ಕ ಕುಡ್ಲಡ್ ರಾತ್ರೆ ಬೀಗ ಪಾಡಿನ ಇಲ್ಲಲೆಗ್ ಪೊಗ್ಗುದು ಕಂಡುನ ಅಟ್ಟನೆ ಪಾಡುವೆರ್ಗೆ. ಮೊಕಲೆನ್ ಇತ್ತೆ ಬೆರ್ಮಾವರದ ಪೋಲೀಸೆರ್ ಪತ್ತ್‌ದೆರ್.