Last updated on January 28th, 2023 at 09:21 pm
ಬಿಕರ್ನಕಟ್ಟೆದ ಬಜ್ಜೋಡಿಡ್ ಗುರುವಾರ ಕಾಂತೇರಿ ಜುಮಾದಿ ಬೊಕ್ಕ ಬಂಟನ ದೊಂಪದ ಬಲಿನೇಮ ನಡತೊಂದಿತ್ತ್ಂಡ್. ಈ ಪೊರ್ತುಗು ಶಕ್ತಿನಗರದ ಪ್ರಶಾಂತಿನಗರೊದ ದೀಪಕ್ ಬೊಕ್ಕ ದೀಪ್ತಿ ಮೊಕಲೆನ ಆನ್ ಬಾಲೆ ರಡ್ಡರೆ ವರ್ಸದ ಶಮಿತ್ ಮೇರ್ ಬೇತೆ ಜೋಕುಲೆನೊಟ್ಟುಗು ನೆಲಟ್ ಅಟ್ಟಮುಟ್ಟ ಪಾಡೊಂದು ಕುಲ್ದ್ ಕೋಲ ತೂವೊಂದು ಸ್ವೀಟ್ ಕಾರ್ನ್ ತಿನೊಂದಿತ್ತೆರ್.
ಈತ್ ಪೊರ್ತುಗು ದೈವ ಆ ಬಾಲೆದಡೆ ಬತ್ತ್ ಎಂಕ್‌ಲಾ ತೆನಸ್ ಕೊರು ಪನ್ದ್ ಕೈ ನೀಡ್ಂಡ್. ಉಂದೆಕ್ ಬಾಲೆ ಒಂಜಿ ಕಾರ್ನ್ ದೆತ್ತ್ ಕೊರುಂಡು ಆಂಡ ಅವ್ ತಿರ್ತ್ ಬೂರುಂಡು. ಅದಗ ದೈವ ಕುಡ ಕೇನ್ಂಡ್ ಅವೆನ್ ತೂಯಿನ ಬಾಲೆ ಅಂಚಿಂಚಿ ಎನ್ನಂದೆ ಕುಡ ದೆತ್ತ್ ಕೊರುಂಡು, ಉಂದೆನ್ ತೂದು ಮೋಕೆಡ್ ದೈವ ತನ್ನ ಅರ್ದಲದ ಗಂದೊನು ಬಾಲೆದ ಮುಂಡೊಗು ಮುಟ್ಟಾಯಿನ ವೀಡಿಯೋ ವೈರಲ್ ಆತ್ಂಡ್.
ಉಂದೆನ್ ತೂಯಿನ ತುಳುವೆರ್ ಬಾಲೆದ ಮಿತ್ತ್ ಕೊಂಡಾಟೊಡು ಅಂಚೆನೆ ಮುಗ್ದತೆನ್ ತೂದು ಮಾತಾ ಕಡೆಕ್ ವೀಡಿಯೋ ಪಟ್ಟೊಂದುಲ್ಲೆರ್।