Last updated on February 3rd, 2023 at 07:55 am
ತುಳುನಾಡ್‌ದ ಜಾಗೊಲೆಡ್ ತುಳು ಸಮ್ಮೇಳನೊಲು ಒಂಜಿ ಆಯಿಜಿಡಲಾ ಮಲ್ಲೆಜ್ಜಿ ಆಂಡ ತುಳುವೆರ್ ತಾಲೂಕು ತಾಲೂಕುಲೆಡ್ ಕನ್ಮಡ ಸಮ್ಮೇಳನ ಮಲ್ಪುನೆಟ್ಟ್ ಬಿರ್ಸೆರ್. ಅಂಚ ಇನಿ ಪಂಡ ಫೆಬ್ರವರಿ 3ರ್ದ್ ನನ ಮೂಜಿ ದಿನ ಉಜಿರೆಡ್ ಶ್ರೀ ಜನಾರ್ಧನ ದೇವಲ್ಯದ ಶ್ರೀ ಕೃಷ್ಣಾನುಭವ ಸಭಾಭವನೊಡು ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನ ನಡಪರೆಗುಂಡು.
ಧರ್ಮಸ್ಥಳದ ವೀರೇಂದ್ರ ಹೆಗ್ಗಡೆರ್ನ ಬೊಡೆದಿ ವಿ.ಹೇಮಾವತೀ ಹೆಗ್ಗಡೆ ಈ ಸಮ್ಮೇಳನದ ಗುರ್ಕಾರ್ದಿಯಾದುಲ್ಲೆರ್. ಜಿಲ್ಲಾ ಉಸ್ತುವಾರಿ ಸಚಿವೆರಾಯಿನ ಅಂಚೆನೆ ಕನ್ನಡ ಸಚಿವೆರಾಯಿನ ವಿ.ಸುನೀಲ್ ಕುಮಾರ್, ಸಾಹಿತ್ಯ ಪರಿಷತ್‌ದ ಗುರ್ಕಾರೆ ಮಹೇಶ್ ಜೋಷಿ, ಶಾಸಕೆ ಹರೀಶ್ ಪೂಂಜೆ, ಜಿಲ್ಲಾಧಿಕಾರಿ ಆರ್.ರವಿಕುಮಾರ್ ಇಂಚಿನ ಸುಮಾರ್ ಗಣ್ಯೆರ್ ಈ ಲೇಸ್‌ಡ್ ಪಾಲ್ ಪಡೆಯೊಂದುಲ್ಲೆರ್.