Last updated on February 18th, 2023 at 01:28 pm
ರಾಮನಗರದ ಕನಕಪುರದ ಬೈಪಾಸ್ ರೋಡ್‌ದ ಬರಿಟ್ ಸುಕ್ರಾರ ಜವನೆ ಒರಿ 17 ವರ್ಸೊದ ಪೊಣ್ಣನ ಮಿತ್ತ್ ಆ್ಯಸಿಡ್ ಚೇತ್‌ದೆ. ಈ ನಡಕೆಡ್ ಪೊಣ್ಣನ ದತ್ತ ಕಣ್ಣ್‌ಗ್ ಪೆಟ್ಟಾದ್, ಕನಕಪುರ ಸರ್ಕಾರಿ ಆಸ್ಪತ್ರೆಡ್ ಪ್ರಾಥಮಿಕ ಚಿಕಿತ್ಸೆ ಆದ್ ಎಚ್ಚಿನ ಚಿಕಿತ್ಸೆಗ್ ಬೆಂಗ್ಳೂರ್‌ದ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಆ್ಯಸಿಡ್ ಚೇತಿನ ಆರೋಪಿ, 22 ವರ್ಸ ಪ್ರಾಯೊದ ಜವನೆ ಕುರುಪೇಂಟೆಡ್ ಮೆಕ್ಯಾನಿಕ್ ಬೇಲೆ ಮಲ್ತೊಂದಿತ್ತೆ. ಒಂಜಿ ವರ್ಸೊರ್ದಿಂಚಿ ಒಂತೆ ಸಸಾರೊಡೇ ಇತ್ತಿನ ಮೊಕುಲೀರ್ವೆರ್ ಇಂಚಿಪ್ಪೊಗು ಲಡಯಿ ಮಲ್ತೊಂದೆರ್. ಜವನನ ಅರ್ತಿದ ಬಿನ್ನಪುನು ಪೊಣ್ಣು ನಿರಾಕರೀತಿನವೇ ನೆಕ್ಕ್ ಕಾರಣ ಪಂದ್ ಜನೊಕುಲು ಪನೊಂದುಲ್ಲೆರ್.
ಜವನೆ ಬೈಪಾಸ್ ರೋಡ್‌ದಲ್ಪ ಪೊಣ್ಣನ ಮನಸ್ ಗೆಂದೆರ ತೂತೆ ಆಂಡ ಆಲಾ ಒಪ್ಯಂದಿಪ್ಪುನಗ ಕಾರ್ ಇಂಜಿನ್ ಕ್ಲೀನ್ ಮನ್ಪುನ ಆ್ಯಸಿಡ್‌ನ್ ಆಲೆನ ಮೋನೆಗ್ ಚೇತ್‌ದೆ. ಕನಕಪುರ ಪೋಲೀಸೆರ್ ಪ್ರಕರಣ ದಾಕಲ್ ಮಲ್ತೊಂದೆರ್.