Last updated on February 9th, 2023 at 05:21 pm
ಫೆಬ್ರವರಿ 11 ಕ್ ಕೇಂದ್ರ ಗೃಹ ಸಚಿವೆ ಅಮಿತ್ ಷಾ ಪುತ್ತೂರ್‌‌ಗ್ ಬರ್ರ ಉಲ್ಲೆರ್. ಈ ದಿಸೆಟ್ ಬಾರಿ ಮಲ್ಲ ಮಟ್ಟ್‌ದ ಅಟ್ಟನೆ ಆವೊಂದುಂಡು.
ಅಮಿತ್ ಷಾ ಬರ್ಪಿನ ಲೆಕ್ಕೊಡು ಕುಡ್ರಡೊಂಜಿ ಕಡೆಟ್ ರೋಡ್ ಶೋ ಮನ್ಪುನ ನಿಗಂಟ್ ಆದಿತ್ತ್ಂಡ್. ಕಾವೂರ್‌ರ್ದ್ ಪದವು ಮೇರಿಹಿಲ್ ಮುಟ್ಟ ಸುಮಾರ್ ರಡ್ಡರೆ ಕಿಲೋಮೀಟರ್ ಉದ್ದೊದ ರೋಡ್ ಶೋ‌ಡ್ ಅಮಿತ್ ಪಾಲ್‌ಗೆತೊನುನ ಫಿಕ್ಸ್ ಆದಿತ್ತ್ಂಡ್. ಈ ನಡುಟು ಪದವುದಂಗಡಿದಲ್ಪದ ಕೊರಗಜ್ಜನ ಸಾನೊಡು ಕೋಲ ನಡಪುನ ಇಸಯ ತೆರಿದ್‌ಬೈದ್ಂಡ್. ಆನಿ ರೋಡ್ ಶೋ ದೀಡ್ಂಡ್ ಕೋಲೊಗು ಅಂಚೆನೇ ಜನೊಕ್ಲೆಗ್ ಉಪದ್ರ ಆಪುಂಡು ಪಂದ್ ನೆನೆತ್‌ದ್ ಬಿಜೆಪಿ ನಾಯಕೆರ್ ಅಮಿತ್ ಷಾ‌ಗ್ ಇಸಯ ತೆರಿಪಾದೆರ್. ಕೋಲೊಗು ತಲೆಪಾಪುಂಡ ರೋಡ್ ಶೋನೆ ಕ್ಯಾನ್ಸಲ್ ಮನ್ಪೆರ ಪನ್ತೆರ್ಂದ್ ತೆರಿದ್‌ಬೈದ್ಂಡ್.
ಇತ್ತೆ ಆ ಜಾಗೆ ಬುಡ್ದ್ ಬೇತೆ ಕಡೆಟ್ ರೋಡ್ ಶೋ ಮನ್ಪುನ ಬಗ್ಗೆ ಅಟ್ಟನೆ ಆವೊಂದುಂಡು.