Last updated on February 20th, 2023 at 02:58 pm
ಪಿಕಪ್ ಗಾಡಿ ಬೊಕ್ಕ ಬೈಕ್‌ದ ನಡುಟು ನಡತಿನ ಎಡ್ತೆಡ್ ಬೈಕ್ ಬುಡೊಂದಿತ್ತಿನ ವಿದ್ಯಾರ್ಥಿ ತೀರಿನ ನಡಕೆ ಬೊಲ್ತೇರ್ ತಾಲೂಕುದ ಕೊಕ್ರಾಡಿ ಗ್ರಾಮೊಡು ನಡತ್ಂಡ್. ತೀರಿನ ಆನ್ ಕೊಕ್ರಾಡಿದ ಲಾಲ್ ಚಂದ್ರ ಹೆಗ್ಡೆ ಪನ್ಪಿನರೆನ ಮಗೆ 19 ವರ್ಸದ ಉಜ್ವಲ್ ಪನ್ದ್ ತೆರಿದ್ ಬೈದ್ಂಡ್.
ಉಜ್ವಲ್ ಬೆದ್ರ ಕಾಲೇಜಿಡ್ ಕಲ್ತೊಂದಿತ್ತೆರ್. ದಿನಾಲ ಕಾಲೇಜಿ ಪೋನಗ ಕುಂಟಲ್ದಕಟ್ಟೆ ಮುಟ್ಟ ಬೈಕ್‌ಡ್ ಪೋದು ಅಲ್ಪ ಬೆದ್ರಗ್ ಬಸ್ ಪತ್ತೊಂದಿತ್ತೆರ್. ಆಂಡ ಇನಿ ಕಾಂಡೆ ಪೋನಗ ದೋಲ್ದೊಟ್ಟುದಲ್ಪ ಪಿಕಪ್ ಬತ್ತ್ ಎಡ್ದ್ಂಡ್. ಈ ಪೊರ್ತುಗು ಬೈಕ್‌ಡ್ ಬೂರ್ದು ದಡೀಟ್ ಪೆಟ್ಟಾದಿತ್ತಿನ ಉಜ್ವಲೆರೆನ್ ಬೊಲ್ತೇರ್ ಆಸ್ಪತ್ರೆಗ್ ಕೊನೊರ್ದು ದುಂಬೇ ಅರೆನ ಪಿರನ ಪೋದಿತ್ತ್ಂಡ್ ಪನ್ದ್ ತೆರಿದ್ ಬೈದ್ಂಡ್.