Last updated on February 3rd, 2023 at 09:02 am
ಬರ್ಪಿ ವಿಧಾನಸಭೆ ಓಟುಡು ಕಾರ್ಲಡ್ ಒವ್ವೇ ಅಭ್ಯರ್ಥಿ ಪಾಡಂದೆ ಬಿಜೆಪಿದಕುಲು ಮುತಾಲಿಕ್‌ಗ್ ಬೆರಿಬಲ ಕೊರೊಡು ಪನ್ದ್ ಶ್ರೀ ರಾಮ ಸೇನೆ ಆಗ್ರಹ ಮಲ್ದ್ಂಡ್. ಕುಡ್ಲ ಪ್ರೆಸ್ ಕ್ಲಬ್‌ಡ್ ಪಾತೆರಿನ ಶ್ರೀ ರಾಮ ಸೇನೆದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಆನಂದ್ ಶೆಟ್ಟಿ ಅಡ್ಯಾರ್, ಬ್ರಷ್ಟಾಚಾರ, ಹಿಂದೂ ವಿರೋಧ ನೀತಿ, ಹಿಂದುತ್ವ ನಾಯಕೆರೆನ್ ಕಾರ್ಯಕರ್ತೆರೆನ್ ಗೆನ್ಪಂದಿನವು, ಅಕಲೆನ ಮಿತ್ತ್ ಕೇಸ್ ಪಾಡಿನ ಪೂರಾ ಸಮಾಜೊಗು ಬೆಸರ್ ಕನದ್ಂಡ್. ಪ್ರಾಮಾಣಿಕವಾಯಿನ ಜನಪ್ರತಿನಿಧಿಲೆನ್ ಸಮಾಜ ನಿರೀಕ್ಷೆ ಮಲ್ತೊಂದುಂಡು ಅಂಚಾದ್ ಪ್ರಮೋದ್ ಮುತಾಲಿಕೆರೆನ್ ಕಾರ್ಲಡ್ ಕಲೊಕು ಜಪ್ಪಾದ್. ಬಿಜೆಪಿ ಕಾರ್ಲಡ್ ಅಭ್ಯರ್ಥಿ ಪಾಡರೆ ಬಲ್ಲಿ ಒಂಜಿ ವೇಳೆ ಪಾಡಿಯೆರ್ಡ ಹಿಂದುತ್ವದ ಸಂಘಟನೆಲು ಉಂದೆನ್ ಗಂಭೀರವಾದ್ ದೆತೊನುವ ಈ ವಿಚಾರೊನು ಬಿಜೆಪಿದ ರಾಜ್ಯ ಬೊಕ್ಕ ರಾಷ್ಟ್ರದ ನಾಯಕೆರೆನ ಎದುರು ದೀಡೊಂದುಲ್ಲ ಪನ್ದ್ ಪಂಡೆರ್.