Last updated on February 5th, 2023 at 07:21 pm
ನೆಕ್ ದುಂಬು ಟಿಕ್ ಟಾಕ್, ಪಬ್‌ಜಿ ಸೇರ್ದ್ ಬೇತೆ ಬೇತೆ ಚೀನೀ ಆ್ಯಪ್‌ಲೆನ್ ಬ್ಯಾನ್ ಮಲ್ದಿತ್ತಿನ ಭಾರತ ಸರ್ಕಾರ ಇತ್ತೆ ಚೀನಾ ಮೂಲೊದ 200ರ್ದ್‌ಲಾ ಎಚ್ಚಿನ ಲೋನ್ ಬೊಕ್ಕ ಬೆಟ್ಟಿಂಗ್ ಆ್ಯಪ್‌ಲೆನ್ ಬ್ಯಾನ್ ಮನ್ಪೆರ ತುರ್ತು ಕ್ರಮ ಗೆತೊಂದುಂಡು. ಉ್ಂದೆಟ್ 138 ಬೆಟ್ಟಿಂಗ್ ಆ್ಯಪ್ಲು ಬೊಕ್ಕ 94 ಲೋನ್ ಆ್ಯಪ್ಲು ಉಲ್ಲ. ಈ ಆ್ಯಪ್‌ಲೆನ ಮೀತ್ತ್ ಕಾರಮ ಗೆತೋನೆರ ಗೃಹ ಸಚಿವಾಲಯೊರ್ದ್ ಈ ವಾರ ಎಲೆಕ್ಟ್ರಾನಿಕ್ಸ್ ಬೊಕ್ಕ ಐಟಿ ಸಚಿವಾಲಯೊಗು ಸೂಚನೆ ಪೋದು, ಕ್ರಮ ಗೆತೊನರ ಪಿದಡ್ದೆರ್ ಪಂದ್ ವರದಿಯೊಂಜಿ ಪಂತ್ಂಡ್.
ಚೀನಾಡ್ ನಿಲೆ ಆತಿನ ಅತ್ತ್ಂಡ ಚೀನಾದ ಕೊಲಿಕೆ ಇಪ್ಪುನ 59 ಆ್ಯಪ್‌ಲೆನ್ 2020 ಡ್ ಸರ್ಕಾರ ಬ್ಯಿನ್ ಮಲ್ತಿತ್ತ್ಂಡ್.
ಜನೊಕ್ಲೆಗ್ ಕಡ (ಸಾಲ) ಕೊರ್ದು ತಾರಮಾರ ಬಡ್ಡಿ ಪಾಡ್ದ್ ವಸೂಲಿ ಮನ್ಪುನ ಸುದ್ದಿ ಅಪಗಪಗ ಕೇಂದ್ ಬರ್ಪುಂಡು. ಭಾದತೊದ ಸಾರ್ವಭೌಮತ್ವೊಗು ಎದ್‌ರಾಪಿ ಈ ಆ್ಯಪ್‌ಲೆನ ಮಿತ್ತ್ ಐಟಿ ಆ್ಯಕ್ಟ್‌ದ ಸೆಕ್ಷನ್ 69ದ ಪ್ರಕಾರ ಕ್ರಮ ಗೆತೊನೊಂದುಲ್ಲೆರ್.