ತುಳುನು ಅಧಿಕೃತ ಮಲ್ಪರೆ ಸಮಿತಿದ ವರದಿ ಕೇನಿನವೇ ತುಳುಕು ಮಲ್ತಿನ ಅವಮಾನ : ಯು.ಟಿ. ಖಾದರ್

Last updated on February 7th, 2023 at 07:51 am

ಉಲ್ಲಾಲದ ಶಾಸಕೆ ಯು.ಟಿ.ಖಾದರ್ ಮೇರ್ ಪಾತೆರ್ದ್ ರಾಜ್ಯ ಸರಕಾರ ತುಳುವೆರೆಗ್ ಮೋಸ ಮಲ್ತೊಂದುಂಡು. ತುಳುನು ರಾಜ್ಯದ ರಡ್ಡನೇ ಬಾಸೆ ಮಲ್ಪೊಡು ಪನ್ದ್ ತುಳುವೆರ್ ಏತೋ ವರ್ಸೊರ್ದಿಂಚಿ ಕೇನೊಂದುಲ್ಲೆರ್. ನಾಲ್ ವರ್ಸ ಮನಿಪಂದೆ ಕುಲ್ಲುದು ಇತ್ತೆ ಓಟುಗು ಒಂತಿ ತಿಂಗೊಲು ಕೈತಲ್ ಉಪ್ಪುನಗ ಸರಕಾರ ತುಳುನು ಅಧಿಕೃತ ಮಲ್ಪುನ ಪ್ರೊಪೋಸಲ್ ಕನದ್ಂಡ್. ಉಂದು ಕಾಲಿ ತುಳುನಾಡ್‌ದ ಜನಕುಲು ಓಟುದಪಗ ತುಳು ವಿಷಯೊಡು ಮನಿಪರೆ ಬಲ್ಲಿ ಪನ್ದ್ ಕಣ್ಣ್ ಒಚ್ಚರೆ ಮಲ್ತೊಂದುಪ್ಪುನು. ಒಂಜಿ ಅಧ್ಯಯನ ಕಮಿಟಿ ಮಲ್ದೆರ್ ಉಂದು ತುಳುಕು ಅಕುಲು ಮಲ್ತಿನ ಅವಮಾನ. ತುಳುತ ಬಗೆಟ್ ಬೋಡಾಯಿನ ರೀತಿಡ್ ಏತೋ ದಾಖಲೆಲು ಉಪ್ಪುನಗ ಅಧ್ಯಯನ ಕಮಿಟಿದ ಅವಶ್ಯಕತೆ ದಾದ ಉಂಡು? ಪನ್ದ್ ಕೇಂಡೆರ್.