Last updated on February 26th, 2023 at 11:39 am
ಬೈಂದೂರು ವಿಧಾನಸಭಾ ವ್ಯಾಪ್ತಿದ ಸಿದ್ದಾಪುರ ಗ್ರಾಮದ ತಿರ್ತಸೋಣೆ ಗ್ರಾಮೊಡು ಪರ್ಪಿನ ನೀರ್ದ ವ್ಯವಸ್ಥೆ ಸರಿಯಾಯಿನ ರೋಡುದ ವ್ಯವಸ್ಥೆ ಮಲ್ಪಂದಿನ ತೂದು ಗ್ರಾಮಸ್ಥೆರ್ ಶಾಸಕೆರ್ ಬೊಕ್ಕ ಗ್ರಾಮ ಪಂಚಾಯತಿದ ಅಧಿಕಾರಿಲೆನ ಮಿತ್ತ್ ಪಿಸಿರಾದ್ ಚುನಾವಣಾ ಬಹಿಷ್ಕಾರ ಮಲ್ಪುವ ಪನ್ದ್ ಪನ್ತೆರ್.
ಕಾಡ್‌ದ ನಡುಟುಪ್ಪುನ ಕುಗ್ರಾಮ ಆಯಿನ ಸೋಣೆಡ್ ಸುಮಾರ್ ಮುಪ್ಪ ಇಲ್ಲುಲುಲ್ಲ, ಅವೆಟ್ಟ್ 28 ಇಲ್ಲುಲು ಪರಿಶಿಷ್ಟ ಜಾತಿದಕ್ಲೆನವು. ಕರಿನ ಕೆಲವು ವರ್ಸೊಡು ಈ ಗ್ರಾಮೊಡು ಒವ್ವೇ ಅಭಿವೃದ್ದಿ ಇಜ್ಜಿ. ಬರ್ಸ ಬತ್ತ್ಂಡ ರೋಡು ಪೂರಾ ಗುದ್ದೊಂದು ಪೋಪುಂಡು. ನಡತೊಂದು ಪೋವರೆಲಾ ಆವಂದಿನಾತ್ ತೆಟ್ಟುಂಡು. ಈ ಗ್ರಾಮೊರ್ದು ಪೇಂಟೆಗ್ ಪೋವೊಡಾಂಡ 7 ಕಿ.ಮೀ ನಡಪೊಡು. ಅರೆಗಲೊಡು ಪರಿಪಿನ ನೀರ್‌ಲಾ ತಿಕ್ಕುಜಿ. ಈ ಬೆಸರ್‌ಲೆನ್ ಏತ್ ಸಲ ಪಟ್ಟೊಂಡಲ ಉಂದೆಕ್ ಏರ್ಲಾ ತಿರ ಮಲ್ತ್‌ಜೆರ್. ಉಂದೆರ್ದ್ ಪಿಸಿರಾಯಿನ ಗ್ರಾಮಸ್ಥೆರ್ ಚುನಾವಣೆ ಬಹಿಷ್ಕಾರದ ಬ್ಯಾನರ್ ಪಾಡ್ದ್ ಪ್ರತಿಭಟನೆಗ್ ಕುಲ್ದೆರ್.