Last updated on February 15th, 2023 at 01:42 pm
ರಾಜಧಾನಿ ದೆಲ್ಲಿಡ್ ಕರಿನ ಕೆಲ ತಿಂಗೊಲು ದುಂಬು ಶ್ರದ್ಧಾ ವಾಕರ್‌ನ್ ಕೆರಿ ರಿತಿಟೇ ಕುಡೊಂಜಿ ಕೊಲೆ ನಡತ್‌ದ್ಂಡ್. ಕರಿನ ಕೆಲ ವರ್ಸೊರ್ದು ನಿಕ್ಕಿ ಯಾದವ್ ಬೊಕ್ಕ ಸಾಹಿಲ್ ಗೆಹ್ಲೋತ್ ಲಿವ್-ಇನ್-ರಿಲೇಷನ್‌ಶಿಪ್‌ಡ್ ಇತ್ತೆರ್. ಇಂಚಿಪ್ಪೊಗು ಸಾಹಿಲ್ ಎಂಕ್ ಈ ಸಂಬಂಧೊನು ಕಡಿತ್‌ದ್ ಬೇತೆ ಮದಿಮೆ ಆಯೆರ ಪಿದಡ್ದಿತ್ತೆ. ಈ ಇಸಯ ತೆರಿದ್ ನೆಕ್ಕ್ ವಿರೋಧ ಮಲ್ತಿನ ನಿಕ್ಕಿ ಯಾದವ್‌ನ್ ಸಾಹಿಲ್ ಕೆರ್ದ್ ಪಾಡ್ದೆ.
ಕೆರ್ದ್ ಪುನೊನು ತನ್ನ ಡಾಬಾದ ರೆಫ್ರಿಜರೇಟರ್‌ಡ್ ದೀದ್ ಅವ್ವೇ ದಿನ ಬೇತೆ ಒರ್ತಿ ಪೊಣ್ಣನ್ ಮದಿಮೆ ಆಯೆರ ಪೋದಿತ್ತೆ ಪನ್ಪಿ ಇಸಯ ಇತ್ತೆ ತೆರಿದ್‌ಬೈದ್ಂಡ್. ಪಡುತೆಂಕಾಯಿ ದೆಲ್ಲಿದ ಮಿತ್ರಾನ್ ಗ್ರಾಮೊದ ಸಾಹಿಲ್‌ನ್ ಪೋಲೀಸೆರ್ ಅರೆಸ್ಟ್ ಮಲ್ದೆರ್. ಪ್ರೇಮಿಲೆನ ದಿನೊತಾನಿಯೇ ಈ ಇಸಯ ಪಿದಯಿ ಬೂರ್ದ್, ಕೊಲೆ ಆದ್ ಪುನೊನು ಡಾಬಾದ ರೆಫ್ರಿಜರೇಟರ್‌ರ್ದ್ ಪಿದಯಿ ದೆತ್ತ್‌ದೆರ್.
ಸಾಹಿಲ್ ಬೇತೆ ಮದಿಮೆ ಆಯೆರ ಪಿದಡ್ದಿನ ತೆರಿದ್ ನಿಕ್ಕಿ ಆಯನ ಮಿತ್ತ್ ಕೇಸ್ ಪಾಡುವೆ ಪಂದಿತ್ತೊಲು. ಈ ಪೊರ್ತುಡು ಲಡಾಯಿ ಆದ್ ಸಾಹಿಲ್ ಮೊಬೈಲ್‌ದ ಡೇಟಾ ಕೇಬಲ್‌ನ್ ನಿಕ್ಕಿನ ನಾಲಿಗ್ ಬಿಗ್ತ್‌ದ್ ಕೆರ್ತೆ.